शिरसा येथे राष्ट्रीय एकता शिबिरात विद्यापीठाचा संघ सहभागी

शिरसा येथे राष्ट्रीय एकता शिबिरात विद्यापीठाचा संघ सहभागी

जळगाव ( प्रतिनिधी) : भारत सरकार, युवा कार्यक्रम व खेळ मंत्रालय, राष्ट्रीय सेवा योजना क्षेत्रीय निदेशालय, नवी दिल्ली आणि चौधरी देवीलाल विद्यापीठ शिरसा, हरियाणा यांच्या संयुक्त विद्यमानाने, शिरसा येथे दि. ०६ ते १२ मार्च, २०२६ राष्ट्रीय एकता शिबिर संपन्न झाले.

या शिबिरात कवयित्री बहिणाबाई चौधरी उत्तर महाराष्ट्र विद्यापीठाचा संघ सहभागी झाला. संघ व्यवस्थापक प्रा. विजयकुमार वाघमारे यांच्या सह स्वयंसेवक ऋषिकेश पारधी, धिरज पवार, रोहित गिरासे, मंगेश शिंपी, चेतन वसावे, प्रांजल मराठे, तेजस्विनी गोराने, रिदम जावरे, वैष्णवी पाटील, शिल्पा पाडवी यांनी सहभाग नोंदवला.

देशभरातून १६ राज्यातून राष्ट्रीय सेवा योजनाचे २०० स्वयंसेवक आणि कार्यक्रम अधिकारी सहभागी झालेले होते. महाराष्ट्र राज्यातून सांस्कृतिक कार्यक्रम सादरीकरण करण्यात आले. महाराष्ट्र राज्य गीत, वारी, लेझीम नृत्य, सिबली आदिवासी नृत्य, लावणी, लोकगीत, शिव भीम गीत यांचे प्रभावी सादरीकरण करण्यात आले.

राष्ट्रीय शिबिरात सहभागी संघाला विद्यापीठाचे कुलगुरू प्रा व्ही. एल. माहेश्वरी, प्र – कुलगुरू प्रा. एस टी इंगळे, कुलसचिव डॉ. विनोद पाटील यांच्यासह एन एस एस चे संचालक व्ही एम रोकडे यांचे मार्गदर्शन लाभले.