शॉर्टसर्किटमुळे घरात आग; फ्रिज व वायरिंग जळून नुकसान

शॉर्टसर्किटमुळे घरात आग; फ्रिज व वायरिंग जळून नुकसान

जळगाव : शहरातील खोटेनगर परिसरातील विठ्ठलवाडी येथे शॉर्टसर्किटमुळे घरात आग लागल्याची घटना रविवारी दुपारी घडली. सुदैवाने अग्निशमन दलाच्या तत्परतेमुळे मोठा अनर्थ टळला असून केवळ साहित्याचे नुकसान झाले आहे.

मिळालेल्या माहितीनुसार, दि. १२ एप्रिल २०२६ रोजी दुपारी सुमारे २ वाजता रवींद्र गीते यांनी दूरध्वनीद्वारे घटनेची माहिती दिली. त्यानंतर अग्निशमन विभागाने तात्काळ घटनास्थळी धाव घेतली. विठ्ठलवाडी येथील गोपाळ जगन्नाथ भक्त यांच्या घरात शॉर्टसर्किटमुळे आग लागून फ्रिज व घरातील वायरिंग जळून नुकसान झाले.
मुख्य अग्निशमन अधिकारी अश्वजीत घरडे यांच्या मार्गदर्शनाखाली वाहन चालक प्रकाश चव्हाण, प्रकाश कुमावत तसेच फायरमन तेजस जोशी, संजय तायडे, भूषण पाटील यांनी तातडीने आग विझवून परिस्थिती नियंत्रणात आणली.
या घटनेत कोणतीही जीवितहानी झाली नसून अग्निशमन दलाच्या वेळेवर केलेल्या कारवाईमुळे मोठा अनर्थ टळला.