शौर्यवीर वाद्य पथकाच्या ‘वाद्य पूजन सोहळ्या’ने ढोल-ताशांचा निनाद जळगावात घुमणार!

शौर्यवीर वाद्य पथकाच्या ‘वाद्य पूजन सोहळ्या’ने ढोल-ताशांचा निनाद जळगावात घुमणार!

जळगाव | प्रतिनिधी : जळगाव शहरातील प्रसिद्ध शौर्यवीर प्रतिष्ठान संचलित वाद्य पथक यांच्यावतीने “वाद्य पूजन सोहळा” हा पारंपरिक आणि उत्साहपूर्ण कार्यक्रम येत्या रविवार, दि. १ जून २०२५ रोजी सायंकाळी ६ वाजता नुतन मराठा महाविद्यालयाच्या प्रांगणात आयोजित करण्यात आला आहे.

या कार्यक्रमात ढोल-ताशांच्या गजरात आणि संस्कृतीचा साज चढवणाऱ्या मंगल वादनाच्या पार्श्वभूमीवर वाद्यांची विधिपूर्वक पूजा होणार आहे. प्राचीन परंपरेनुसार वाद्यपूजन हे एक भक्तिभावाने आणि शिस्तबद्धतेने साजरे होणारे सोहळे असून, त्यामध्ये सहभागी होणाऱ्या प्रत्येक वादकासाठी हे एक प्रेरणादायी क्षण असतात.

शौर्यवीर वाद्य पथक गेल्या काही वर्षांपासून शिस्त, एकरूपता आणि सांस्कृतिक जपणूक या तीन बाबींचा आदर्श ठेवून कार्यरत आहे. गणेशोत्सव, शिवजयंती, गुढीपाडवा, स्वातंत्र्य दिन अशा अनेक सोहळ्यांमध्ये त्यांचा भव्य आणि प्रभावी सहभाग असतो. वाद्य पूजन हा कार्यक्रम म्हणजे नवीन सत्राची सुरुवात आणि वाद्यांचा सन्मान यासाठी घेतला जाणारा शुभारंभ आहे.

कार्यक्रमाचे आकर्षण म्हणजे, ढोल-ताशांचा निनाद, युवांचा जोश, पारंपरिक वेशभूषा आणि सांघिक सादरीकरण, ज्यामुळे उपस्थित प्रेक्षक मंत्रमुग्ध होतात.

“रंगला ढोल-ताशांचा खेळ, ठरली शुभारंभाची ती वेळ” अशा घोषवाक्याने सजलेल्या या कार्यक्रमात सहभागी होण्यासाठी शहरातील नागरिक, युवा वर्ग, आणि संस्कृतीप्रेमी मंडळींना खास आमंत्रण देण्यात आले आहे.

🔸 कार्यक्रमाचे ठिकाण व वेळ :

📍 स्थळ: नुतन मराठा महाविद्यालय, जळगाव
🕕 वेळ: सायंकाळी ६.०० वा.
📅 दिनांक: रविवार, १ जून २०२५