श्रीक्षेत्र पाडळसरेत रविवारी “नाटेश्वर महादेवाचा” यात्रोत्सव

श्रीक्षेत्र पाडळसरेत रविवारी “नाटेश्वर महादेवाचा” यात्रोत्सव

बोकड बळीची प्रथाच नसल्याने, महादेवाचा नवस फेडण्यासाठी दाल बट्टीचा दाखवतात नैवेद्य

गौरवकुमार पाटील | पाडळसरे

खान्देश गंगा सुर्यकन्या तापी, अनेर व बोरी नदीच्या त्रिवेणी संगमस्थळी दक्षिण तीरावर श्रीक्षेत्र पाडळसरे येथील ग्रामवासीयांचे आराध्य दैवत, पुरातन जागृत देवस्थान व नवसाला पावणारे नाटेश्वर महादेवाचा यात्रोत्सव सालाबादा प्रमाणे या वर्षी ही माघ कृष्ण दशमी म्हणजेच रविवारी दिनांक 23 रोजी पाडळसरे ग्रामस्थांकडून साजरा करण्यात येणार असून या ठिकाणी पुर्वी पासुन बोकड बळीची प्रथाच नसल्याने महादेवाला दाल बट्टीचा शाकाहारी नैवेद्य गावातील घराघरातून दाखविण्यात येतो व नवसपूर्ती केली जाते,

भाविकांच्या नवसाला पावणारे जागृत नाटेश्वर शिवलिंग म्हणून द्वादश ज्योतिर्लिंगां पैकी एक प्रति नाटेश्वर महादेवाचे शिवलिंग व मंदिर विलोभनीय असून काळ्या दगडांनी हेमांड पंथीय कलाविष्काराने मंदिराचे बांधकाम करण्यात आले असून कोरीव आरेखन घुमटाच्यावर चार उपदिशांना वाघाच्या मूर्त्या व त्यावर कळस आणी भागवत धर्माची भगवी पताका व मंदिरात पाषाण शिळा त्यात लिंग हे संगमरवरी आहे.
धुळे व जळगाव जिल्ह्य़ाची सीमेवर चोपडा शिरपुर व अमळनेर या तीन तालुक्यांचे सीमेचा केंद्र बिंदूवर सुर्यमुखी मंदिराचा समोर पश्चिम वाहिनी तापी, दक्षिण वाहिनी अनेर व उत्तर वाहिनी बोरी नदीच्या विलक्षण रमणीय नैसर्गिक खोऱ्याच्या परिसरात त्रिवेणी संगमस्थळी नाटेश्वर महादेवाचे शिवलिंग व मंदिर स्थापित आहे. नवसाला पावणारे नाटेश्वर महादेव म्हणून ख्याती असलेले या मंदिराचा जीर्णोद्धार थोर समाजसेविका अहिल्याबाई होळकर यांनी कपिलेश्वर मंदिर जीर्णोद्धार समयी केला असल्याची आख्यायिका आहे.

यात्रेच्या दिवशी गावातील सर्व जाती धर्मातील कुटुंबीयांकडून नवस फेडण्यासाठी बोकड बळीची प्रथा पूर्वीपार नसल्याने महादेवाला दाल बट्टीचा शाकाहारी नैवेद्य दाखविला जातो. नवसपुर्तीसाठी येथे भाविक गर्दी करतात. ग्रामवासीयांच्या करमणूकीसाठी पाडळसरे ग्रामपंचायतीने लोकनाट्य तमाशाचे आयोजन करण्यात आले आहे. तर खेळणी, पाळने, उपहारगृह आदींसह विविध वस्तूचे दुकाने आधीच थाटली आहेत