श्रीराम मंदिर संस्थानात श्रीरामनवमी महोत्सव-ह.भ.प. मंगेशमहाराज जोशी

श्रीराम मंदिर संस्थानात श्रीरामनवमी महोत्सव-ह.भ.प. मंगेशमहाराज जोशी

३० मार्च ते ७ एप्रिलपर्यंत चालणार प्रवचनमाला

जळगाव प्रतिनिधी

नगरीचे ग्रामदैवत श्रीराम मंदिर संस्थानात श्रीरामनवमी महोत्सवानिमित्त श्रीरामभक्तीपर प्रवचन माळेचे आयोजन दि. ३० मार्च ते ७ एप्रिल २०२५ अखेर करण्यात आल्याची माहिती संस्थानचे गादीपती ह.भ.प. मंगेशमहाराज जोशी यांनी दिली.

श्रीराम नवमी महोत्सवात दररोज प्रातः काकडा भजन, आरती, प्रभू श्रीरामचंद्रांचा होईल. पंचामृत अभिषेक, पोशाख, तुलसी अर्चन, श्रीविष्णुसहस्रनाम, आरती, स. ८ १२ श्रीअध्यात्म रामायणाचे पारायण, दुपारी नैवेद्य, दु. ४ ते ६ जळगावातील विविध महिला मंडळाची भजन सेवा ,सायं. ६ वा. हरिपाठ, श्रीरामरक्षा स्तोत्र व त्रयोदशाक्षरी महामंत्र जप, ७ वा. धुपारती, ७:३० वा. प्रवचन सेवा, रात्री ८ वा. श्रीमहाराजांचे परंपरेचे भजन
महोत्सवात दररोज सायं. ७:३० वा. श्री. मुकुंदकाका धर्माधिकारी गुरुजी यांचे रसाळ व ओघवत्या वाणीतून प्रवचने होतील. दि. ३० मार्च ते ६ एप्रिल अखेर अध्यात्म रामायणाचे पारायण श्री. मकरंद देशमुख गुरुजी करतील.
दि. ३ एप्रिलला स. ८ वा. प्रभू श्रीरामचंद्रांच्या उत्सवमूर्तीस १६०० पुरुषसूक्त आवर्तनाने महाभिषेक करण्यात येणार आहे.
दि. ६ एप्रिलला श्रीराम नवमीनिमित्त प्रभू श्रीरामचंद्रांचा महाभिषेक, विशेष पूजा होईल. स. १०:३० ते १२ श्रीराम जन्मोत्सवाचे गुलालाचे कीर्तन ह.भ. प. श्रीराममहाराज जोशी यांचे होईल. दु.१२ः दु.१२:३० वा. प्रभू श्रीरामचंद्रांची महाआरती होईल. संध्या. ७ वा. जळगांवातील ब्रह्मवृंदांचा वेदमंत्रघोष होईल. रात्रौ ८ वा. गीतरामायण हा कार्यक्रम संस्कार भारती जळगांवचे वतीने घेण्यात येणार आहे.
दि. ७ रोजी श्रीगुरु महाराजांचे परंपरेचे गोपाळकाल्याचे भजन होऊन महोत्सवाची सांगता होईल.
तरी पंचक्रोशीतील भाविकांनी यात सहभागी होऊन दर्शनाचा अवश्य लाभ घ्यावा असे आवाहन श्रीगुरु मंगेशमहाराज जोशी यांनी केले आहे.