साकळीत घरफोडी प्रकरणी अवघ्या २४ तासांत आरोपी गजाआड

साकळीत घरफोडी प्रकरणी अवघ्या २४ तासांत आरोपी गजाआड

यावल I तालुक्यातील साकळी गावातील चौधरी वाड्यात घरफोडी करून ५५ हजारांची रोकड लांबविणाऱ्या चोरट्याला यावल पोलिसांनी केवळ २४ तासांत गजाआड केले.

रूपाली रमेश महाजन यांच्या बंद घराचा दरवाजा उघडून चोरट्याने कपाटातील रोकड चोरली होती. बुधवारी ही घटना उघडकीस येताच यावल पोलिस ठाण्यात गुन्हा दाखल झाला. तपासादरम्यान संशयित महेंद्र गोकुळ बडगुजर (रा. साकळी) याला अटक करण्यात आली.

गुरुवारी त्याला यावल येथील प्रथम वर्ग न्यायाधीश आर.एस. जगताप यांच्यासमोर हजर करण्यात आले. न्यायालयाने त्याला २८ सप्टेंबरपर्यंत पोलीस कोठडी सुनावली आहे. या प्रकरणाचा तपास पोलीस निरीक्षक रंगनाथ धारबळे यांच्या मार्गदर्शनाखाली सहायक फौजदार अर्जुन सोनवणे करीत आहेत.