सार्वजनिक ठिकाणी गांजा ओढणाऱ्यावर कारवाई
गेंदालाल मिल परिसरातील घटना
जळगाव : शहरातील गेंदालाल मिल समोरील रेल्वे लाईनच्या भिंतीला लागून असलेल्या टपरीच्या आडोशाला बसून गांजा ओढून नशा करणाऱ्यावर स्थानिक गुन्हे शाखेच्या पथकाने कारवाई केली. याप्रकरणी गुन्हा दाखल करण्यात आला आहे. शहरातील गेंदालाल मिल समोरील रेल्वे लाईनच्या भिंतीला लागून असलेल्या टपरीच्या आडोशाला अनवर खान हनिफ खान (वय ४२, रा. जैन मंदिराजवळ गेंदालाल मिल) हा मानवी मनावर, बुद्धीवर परिणाम करणारा गुंगीकारक अंमली पदार्थ असलेला गांजा ओढतांना मिळून आला. त्यांच्यावर दि. ११ रोजी सायंकाळी साडेसात वाजेच्या सुमारास स्थानिक गुन्हे शाखेतील हरिलाल पाटील यांच्या पथकाने कारवाई केली. याप्रकरणी संशयिताविरुद्ध शहर पोलीस ठाण्यात गुन्हा दाखल करण्यात आला आहे. तपास पोहेकॉ उमेश भांडारकर हे करीत आहे.
दै. बातमीदार चे अपडेट्स मिळवण्यासाठी आम्हाला फॉलो करा
फेसबुक । ट्विटर ।युट्युब | इंस्टाग्राम | गुगल न्यूज | टेलिग्राम
