जळगाव (प्रतिनिधी): बी.यू.एन. रायसोनी स्कूल, सीबीएसई पॅटर्न, प्रेमनगर येथे गुरुवार, दि. २१ ऑगस्ट २०२५ रोजी पर्यावरणपूरक गणेशोत्सव साजरा करण्याच्या उद्देशाने गणपती मूर्ती बनविण्याची कार्यशाळा आयोजित करण्यात आली. या उपक्रमाद्वारे विद्यार्थ्यांमध्ये शाडू मातीच्या गणेशमूर्तींच्या माध्यमातून पर्यावरण संवर्धनाचा संदेश दिला गेला.
इयत्ता ५ वी ते १० वीपर्यंतच्या विद्यार्थ्यांनी कार्यशाळेत उत्साही सहभाग नोंदविला. सर्व विद्यार्थ्यांनी आवश्यक साहित्य घरूनच आणून स्वावलंबन आणि क्रिएटिव्हिटीचे उत्कृष्ट दर्शन घडविले. कार्यशाळेदरम्यान सौ. पुनम अत्तरदे यांनी विद्यार्थ्यांना मार्गदर्शन करून आकर्षक शाडू मातीच्या गणेशमूर्ती साकारल्या.
या उपक्रमातून प्लॅस्टर ऑफ पॅरिसमुळे होणाऱ्या प्रदूषणाविषयी जागरूकता वाढविण्याबरोबरच शाडू मातीच्या गणेशमूर्तींचा वापर करण्याचा संदेशही देण्यात आला. शाळेचे अध्यक्ष श्री. शिरीषजी रायसोनी व उपाध्यक्ष श्री. उमेदजी रायसोनी यांनी विद्यार्थ्यांना प्रोत्साहन देत त्यांचे कौतुक केले. त्यांनी पर्यावरण संवर्धनात विद्यार्थ्यांनी उचललेले पाऊल महत्त्वाचे असल्याचे सांगितले.
रायसोनी शाळेत दरवर्षीप्रमाणे यंदाही इको-फ्रेंडली गणेशमूर्तीच्या उपक्रमातून हरित सणाचा संकल्प दृढ करण्यात आला.
दै. बातमीदार चे अपडेट्स मिळवण्यासाठी आम्हाला फॉलो करा
फेसबुक । ट्विटर ।युट्युब | इंस्टाग्राम | गुगल न्यूज | टेलिग्राम
