हटकल्याचा राग आल्याने वाईन शॉप मॅनेजरसह कामगारांना बेदम मारहाण
जळगाव : शहरातील अजिंठा चौफुलीजवळील राज वाईन शॉपमध्ये दि. ३० ऑगस्ट रोजी सायंकाळी पावणेसहा वाजता धक्कादायक प्रकार घडला. वाद करणाऱ्यांना हटकले म्हणून दोन जणांनी संतापाच्या भरात दुकानात घुसून मॅनेजरसह कामगारांना बेदम मारहाण केली.
राज वाईन शॉप येथे मॅनेजर म्हणून कार्यरत राजेंद्र युवराज सोनवणे (वय ३३, रा. सागर नगर) हे दुकानाजवळ झालेल्या वादावादीला थांबविण्याचा प्रयत्न करत होते. मात्र याचा राग आल्याने संशयित दोघांनी जबरदस्तीने दुकानात प्रवेश करून दगडाने काचेचा दरवाजा फोडला. त्यानंतर सोनवणे आणि कामगारांना मारहाण केली.
या प्रकरणी एमआयडीसी पोलिस ठाण्यात दोघांविरुद्ध गुन्हा दाखल करण्यात आला असून तपास सुरू आहे. या घटनेमुळे परिसरात एकच खळबळ उडाली आहे.
दै. बातमीदार चे अपडेट्स मिळवण्यासाठी आम्हाला फॉलो करा
फेसबुक । ट्विटर ।युट्युब | इंस्टाग्राम | गुगल न्यूज | टेलिग्राम
