हरिविठ्ठल नगरात विवाहितेची आत्महत्या; माहेरच्यांचा घातपाताचा संशय

हरिविठ्ठल नगरात विवाहितेची आत्महत्या; माहेरच्यांचा घातपाताचा संशय

जळगाव (प्रतिनिधी) – शहरातील हरिविठ्ठल नगर परिसरात राहणाऱ्या अनिता किरण कोळी (वय ३१) या विवाहितेने मुलं शाळेत व पती कामावर गेल्याची संधी साधत घराच्या मागील खोलीत गळफास घेऊन आत्महत्या केली. ही धक्कादायक घटना १२ सप्टेंबर रोजी संध्याकाळी उघडकीस आली.

अनिता कोळी यांचे पती केबल ऑपरेटर आहेत. त्यांना एक मुलगा व एक मुलगी असून घटनेच्या दिवशी दुपारी घरी कोणी नसताना अनिता यांनी जीवनयात्रा संपविली. संध्याकाळी साडेपाचच्या सुमारास मुले शाळेतून घरी परतल्यावर त्यांनी आईला गळफास घेतलेल्या अवस्थेत पाहिले. तत्काळ त्यांनी नागरिकांना माहिती दिली. नागरिकांनी पोलिसांना कळवून अनिताला शासकीय वैद्यकीय महाविद्यालय व रुग्णालयात दाखल केले असता डॉक्टरांनी तिला मृत घोषित केले.

या घटनेत विवाहितेच्या माहेरच्यांनी घातपाताचा संशय व्यक्त केला आहे. रामानंद नगर पोलिस ठाण्यात अकस्मात मृत्यूची नोंद करण्यात आली असून पुढील तपास पोहेकॉ अजित पाटील करीत आहेत.