३४ वर्षांच्या निष्ठावान सेवेनंतर शेख कामिल यांचा सेवानिवृत्तीत गौरव

३४ वर्षांच्या निष्ठावान सेवेनंतर शेख कामिल यांचा सेवानिवृत्तीत गौरव

जळगाव प्रतिनिधी l
इक्रा एज्युकेशन सोसायटीच्या अंतर्गत कार्यरत असलेल्या एच. जे. थीम कॉलेज ऑफ आर्ट्स अँड सायन्स, मेहरूण येथील शेख कामिल शेख नजीर यांनी तब्बल ३४ वर्षांची प्रामाणिक व निष्ठावान सेवा करून नुकतीच सेवानिवृत्ती घेतली. त्यांच्या गौरवासाठी आयोजित समारंभात भावनिक वातावरण पाहायला मिळाले.

शेख कामिल यांनी १ ऑक्टोबर १९९१ रोजी पिऊन पदावर कार्यभार स्वीकारला होता. प्रारंभी २० वर्षे पिऊन, त्यानंतर १४ वर्षे लॅब अटेंडंट या पदावर त्यांनी आपली सेवा यथाशक्ती, वेळेच्या काटेकोरपणाने आणि मनापासून बजावली. इक्रा एज्युकेशन सोसायटी आणि कॉलेज प्रशासनासाठी त्यांनी एक निष्ठावंत कर्मचाऱ्याचे उदाहरण कायम ठेवले.

त्यांच्याबरोबर कार्यरत असलेले अशफाक पठाण यांनी यावेळी त्यांच्या कार्यशैलीची स्तुती करताना सांगितले, “शेख कामिल हे नेहमी वेळेआधी उपस्थित राहत, कोणत्याही कामात त्यांनी कधीही त्रुटी राहू दिली नाही. ते आमच्यासाठी आदर्श कर्मचारी ठरले.”

सेवानिवृत्ती समारंभात डॉ. अब्दुल करीम सालार यांच्या हस्ते शेख कामिल यांचा सत्कार करण्यात आला. त्यांनी शेख कामिल यांना पुढील आयुष्यासाठी शुभेच्छा देत त्यांच्या निरोगी आयुष्याची सदिच्छा व्यक्त केली.

कार्यक्रमाची सुरुवात प्रा. डॉ. अख्तर शाह यांनी केलेल्या कुरआन पठणाने झाली. कार्यक्रमाचे सुत्रसंचालन मौलाना मुजम्मिल नदवी यांनी तर प्रस्तावना डॉ. चांद खान यांनी मांडली.

या प्रसंगी डॉ. वकार शेख, डॉ. अंजली कुलकर्णी, अज़ीज शाह, एजाज मालिक, आमीनभाई बादलीवाला, अशफाक पठाण यांनी शेख कामिल यांच्या समर्पित सेवेला उजाळा देताना त्यांच्या कार्यप्रवासावर मनोगत व्यक्त केले.

कार्यक्रमात प्रा. जफर शेख, अब्दुल रशीद दादा, अब्दुल अज़ीज सालार, तारिक शेख, डॉ. ताहेर शेख, डॉ. जबीउल्ला शाह, प्रा. डॉ. आयशा बासित, प्रा. डॉ. फिरदौस शेख, प्रा. डॉ. शबाना, प्रा. डॉ. तनवीर खान, प्रा. डॉ. युसुफ पटेल, प्रा. डॉ. हाफिज शेख, प्रा. साजिद माळक, प्रा. डॉ. डापके, प्रा. डॉ. राजू गवारे, प्रा. उमर खान, अशरफ शाह, सय्यद शौकत अली, प्रभाकर गंगावे, रफिकभाई, वसीम शाहिद खटीक यांच्यासह अनेक मान्यवर उपस्थित होते.

कार्यक्रमाच्या समारोपप्रसंगी प्रा. डॉ. इरफान शेख यांनी आभार प्रदर्शन केले.