भडगाव तालुक्यासाठी १०० कोटीचा निधी मंजूर : आमदार किशोर पाटील

भडगांव/प्रतिनिधी
तालुक्यातील रस्ते, दलित वस्ती विकास, गार्डन आदी कामाच्या विकास कामासाठी राज्यशासनाच्या वतीने १०० कोटींचा निधी मंजूर करण्यात आल्याची माहिती आमदार किशोर पाटील यांनी शिवसेना कार्यायलात आयोजित पत्रकार परिषदेत दिली.
शहरातील तळणी परिसर विकासाठी शासनाने ४ कोटी ७२ लाखाचा निधी मंजुर केला आहे. त्यात तळणी परीसराला सरंक्षण भिंत, पादचारी रस्त्यासह पर्यटन विकासाच्या दृष्टीने विविध कामे येथे करण्यात येणार आहे. त्यामुळे भडगाव शहराच्या वैभावात मोठी भर पडणार आहे. तळणी परीसर अनेक दिवसापासून दुर्लक्षीत होता. सदर कामाची प्रशासकीय मान्यता झाली असुन लवकरच वर्क आर्डर होऊन कामाला सुरवात होईल तसेच भडगाव शहरातील सर्व ओपनस्पेस विकासीत होणार आहे. त्यासाठी तब्बल १५ कोटीचा निधी शासनाने मंजुर केला आहे. त्यातील काही ओपनस्पेस विकसीत करण्याचे काम सुरू आहे. तर उर्वरीत खुल्या भुखंडाच्या कामाची वर्क आर्डर ही झाल्या आहेत. त्यामुळे ती कामे ही लवकरच सुरू होतील. त्यामुळे कॉलनी भागाच्या सौंदर्यात भर पडणार आहे. तब्बल ९५ ओपनस्पेस यात विकसीत होणार आहे. याशिवाय अंत्यत दुरावस्था झालेला बाळद रस्त्यासह शहरातील रस्त्यासाठी तब्बल साडे सहा कोटी रूपयाचा निधी मंजुर केला आहे. रस्त्याचे कामे ही पुर्णत्वास आली आहेत. याबरोबरच मटन मार्केट ते भडगाव पेठ दरम्यान गिरणा नदिवर १३ कोटी खर्चाचा पुलाला निधी मंजुर केला आहे.. ते काम ही लवकरच सुरू होतील असे आमदार कीशोर पाटील यांनी सांगीतले.
यासह ग्रामिण भागात ६० कोटीचा निधी आणला आहे. ग्रामीण भागाच्या विकासासाठी या तब्बल ६० कोटी रूपयाचा निधी मंजुर झाला आहे. यात मुख्यमंत्री ग्राम सडक योजनेतुन कजगाव ते वाडे रस्त्यासाठी ४ कोटी १६ लाखाचा निधी मिळाला आहे. याशिवाय वाडे ते गोंडगाव, वलवाडी ते भडगाव, जुना महींदळे रस्ता, जुवार्डी ते आडळसे, जुवार्डी ते खेडगाव, नालबंदि ते शिवणी, पिचर्डे ते बात्सर- खेडगाव, तांदुळवाडी ते मळगाव, मळगाव ते वाडे या ९ रस्त्यासाठी बजेट मधुन प्रत्येकी अडीच कोटीचा निधी मंजुर झाला आहे. याशिवाय वाडे येथील भवानी शेरी रस्ता, नावरे ते नावरे फाटा, उमरखेड ते फाटा, जुवार्डी ते बहाळ, फाटा ते पिचर्डे, गोंडगाव ते बांबरूड जुना रस्ता, कनाशी ते बोदर्डे, बोदर्डे ते स्मशानभुमी रस्ता, बोरनार ते स्मशानभुमी रस्ता, वडगाव ते बाळद, लोणपिराचे ते कजगाव, कोठली ते स्मशानभुमी रस्ता, घुसर्डी ते फाटा, बाळद ते भडगाव, पेडगाव ते शिंदि, शिंदि फाटा ते शिंदि रस्त्यासाठी प्रत्येकी ५० लाखाचा निधी मंजुर झाला आहे. तर पाढंरथ येथे गिरणा नदिला सरंक्षण भिंतीसाठी चार कोटीचा निधी मंजुर झाला आहे. याबरोबरच विश्रामगृह बांधकामासाठी २ कोटीचा निधी शासनाने दिला आहे. आमदार कीशोर पाटील यांनी ग्रामिण विकास विभागाकडुन गाव विकासाठी भडगाव तालुक्यात १० कोटीचा निधी मंजुर झाला आहे. तर सामाजिक न्याय विभागांतर्गत दलित वस्ती सुधार योजनेंतर्गत ४ कोटीचा निधी मंजुर झाल्याचे आमदार कीशोर पाटील यांनी पत्रकार परीषदेत सांगतीले.
पत्रकार परीषदेला माजी नगराध्यक्ष राजेंद्र पाटील, शिवसेना तालुकाप्रमुख संजय पाटील, उपजिल्हाप्रमुख डॉ. विशाल पाटील, शशिकांत येवले, सुनील देशमुख, वडध्याचे युवराज पाटील बाजार समितीचे माजी उपसभापती विश्वास पाटील, माजी उपनगराध्यक्ष आनंद जैन, शिवसेनेचे तालुका संघटक स्वप्निल पाटील, माजी नगरसेवक संतोष महाजन, इमरान अली सय्यद, वैद्यकीय आघाडीचे डॉक्टर प्रमोद पाटील, महेंद्र ततार, स्वप्निल पाटील, दुर्गेश वाघ, सुरेंद्र मोरे, रावसाहेब पाटील, सचिन वाणी पदाधिकारी उपस्थित होते.