उंदीर मारण्याचे औषध सेवन करणाऱ्या वृद्धेचा उपचारादरम्यान मृत्यू

उंदीर मारण्याचे औषध सेवन करणाऱ्या वृद्धेचा उपचारादरम्यान मृत्यू
फुफणी भोकर येथील घटना; अकस्मात मृत्यूची नोंद

जळगाव तालुक्यातील फुफणी भोकर येथे ६० वर्षीय वृद्ध महिलेने घरात उंदीर मारण्याचे औषध सेवन केल्याने त्यांचा उपचारादरम्यान मृत्यू झाल्याची घटना रविवारी २७ जुलै रोजी रात्री १० वाजता घडली. या प्रकरणी जळगाव तालुका पोलीस ठाण्यात सोमवार २८ जुलै रोजी मध्यरात्री १ वाजता अकस्मात मृत्यूची नोंद करण्यात आली आहे.

मयत महिलेचे नाव शनीबाई सत्तार बारेला (वय ६०, रा. फुफणी भोकर, ता. जळगाव) असे आहे.

मिळालेल्या माहितीनुसार, शनीबाई बारेला या आपल्या कुटुंबीयांसह वास्तव्याला होत्या. २७ जुलै रोजी त्यांनी राहत्या घरात उंदीर मारण्याचे विषारी औषध सेवन केले. औषध घेतल्यानंतर त्यांची प्रकृती खालावल्याने त्यांना तात्काळ जिल्हा शासकीय वैद्यकीय महाविद्यालयात दाखल करण्यात आले. मात्र उपचार सुरू असताना रात्री १० वाजता त्यांचा मृत्यू झाला.

विषारी औषध सेवन करण्याचे कारण अद्याप अस्पष्ट असून, याप्रकरणी जळगाव तालुका पोलीस ठाण्यात अकस्मात मृत्यूची नोंद करण्यात आली आहे. पुढील तपास पोलीस हेडकॉन्स्टेबल रामकृष्ण इंगळे करीत आहेत.