गोदावरी व्यवस्थापन महाविद्यालयात ‘स्पार्क २०२६’ महोत्सवाचा समारोप

गोदावरी व्यवस्थापन महाविद्यालयात ‘स्पार्क २०२६’ महोत्सवाचा समारोप

जळगाव प्रतिनिधी गोदावरी फाउंडेशन संचलित गोदावरी व्यवस्थापन महाविद्यालय, येथे सलग पाच दिवस चाललेला स्पार्क २०२६ हा वार्षिक महोत्सवाचा समारोप आज करण्यात आला.
यावेळी प्रमुख पाहुणे म्हणून डॉ. अनिल पी. डोंगरे (डीन, फॅकल्टी ऑफ कॉमर्स अँड मॅनेजमेंट, क.ब.चौ.उमवी), भावना शर्मा (डिजिटल मीडिया इंटरप्रेन्योर), डॉ. केतकी पाटील (सदस्या गोदावरी फॉउंडेशन) तसेच डॉ. प्रशांत वारके (संचालक गोदावरी आयएमआर) उपस्थित होते. कार्यक्रमाची सुरुवात मान्यवरांच्या हस्ते दीपप्रज्वलन करून करण्यात आली.

यावेळी बोलताना भावना शर्मा यांनी सांगितले की, डिजिटल मार्केटिंगच्या युगात संधींचा प्रचंड विस्तार झाला असून सुरुवात प्रत्येकजण आपल्या मोबाईलपासून करतोे. मोठ्या शहरांतूनच यश मिळते असा गैरसमज दूर करून छोट्या शहरातूनही मोठी झेप घेता येते. शिक्षणासाठी वयाची अट नसते, सतत शिकत राहणे गरजेचे आहे, असे त्यांनी नमूद केले.डॉ. अनिल डोंगरे यांनी विद्यार्थ्यांना मार्गदर्शन करताना सांगितले की, आजच्या स्पर्धात्मक युगात पुढे येण्यासाठी जिद्द आणि आत्मविश्वास आवश्यक आहे. ब्लॉकचेनसारख्या नव्या तंत्रज्ञानामुळे रोजगाराच्या अनेक संधी उपलब्ध असून स्वतःला सतत ‘अपस्किल’ करणे काळाची गरज आहे.

डॉ. केतकी पाटील यांनी विद्यार्थ्यांना संबोधित करताना सांगितले की, चमकायचे असेल तर अशा व्यासपीठांवर सहभाग घेणे अत्यंत महत्त्वाचे आहे. स्वतःमधील गुण ओळखा, त्यात प्राविण्य मिळवा, संस्कृती जपा आणि संवादातून समस्या सोडवा. त्यांनी सर्व विजेत्या विद्यार्थ्यांचे अभिनंदन केले.डॉ. प्रशांत वारके यांनी स्टेज डेरिंग आणि परफॉर्मन्स कौशल्ये कॉर्पोरेट जीवनात उपयुक्त ठरतात, असे सांगून विद्यार्थ्यांना प्रोत्साहित केले. यावेळी त्यांनी ‘वादे तुट जाते हे, कोशिशे कामयाब होती है’ हा प्रेरणादायी विचार विद्यार्थ्यांसमोर मांडला.स्पार्क २०२६ अंतर्गत प्रोफेशनल डे (स्पोर्ट्स डे), मिस-मॅच डे, किड्स डे, रांगोळी, चॉकलेट डे, मेहंदी, ट्रॅडिशनल डे, प्रेस कॉन्फरन्स, सोशल क्टिव्हिटी, कल्चरल डे तसेच नृत्य, गायन व नाट्यस्पर्धांचे आयोजन करण्यात आले होते.

विविध स्पर्धांतील विजेत्यांना पारितोषिके व प्रमाणपत्रे प्रदान करण्यात आली.स्पार्क २०२६ चा मिस्टर स्पार्क हा मान महेश वानरे (बीसीए) तर मिस स्पार्क हा मान योगिनी पाटील (एमसीए) यांनी पटकावला.कार्यक्रमाचे सूत्रसंचालन व यशस्वी आयोजन महाविद्यालयाच्या प्राध्यापक व विद्यार्थ्यांच्या सहकार्याने करण्यात आले. आभार प्रदर्शन प्रा. चारुशीला चौधरी यांनी केले.