होळीनिमित्त मध्य रेल्वेकडून विशेष गाड्यांची घोषणा

होळीनिमित्त मध्य रेल्वेकडून विशेष गाड्यांची घोषणा

मध्य रेल्वे कडून अतिरिक्त फेऱ्या; भुसावळसह प्रमुख स्थानकांवर थांबे

भुसावळ : होळी सणाच्या पार्श्वभूमीवर प्रवाशांची अतिरिक्त गर्दी लक्षात घेऊन मध्य रेल्वेकडून लोकमान्य टिळक टर्मिनस (मुंबई) ते हटिया आणि पुणे ते दानापूर दरम्यान विशेष गाड्या चालविण्यात येणार आहेत.
मुंबई (लोकमान्य टिळक टर्मिनस) – हटिया विशेष
लोकमान्य टिळक टर्मिनस ते हटिया दरम्यान विशेष गाडी क्र. ०८६१० ही ४ व ११ मार्च रोजी मुंबईहून सायं. ५.०० वाजता सुटेल व हटिया येथे दुसऱ्या दिवशी सायं. ६.०० वाजता पोहोचेल. (२ फेऱ्या)
परतीची गाडी क्र. ०८६०९ ही २ व ९ मार्च रोजी हटिया येथून सायं. ४.२० वाजता सुटेल व मुंबई येथे तिसऱ्या दिवशी पहाटे १२.४० वाजता पोहोचेल. (२ फेऱ्या)
या गाडीला कल्याण, इगतपुरी, नाशिक रोड, मनमाड, चाळीसगाव, पाचोरा, भुसावळ, मलकापूर, शेगाव, अकोला, बडनेरा, वर्धा, नागपूर, गोंदिया, दुर्ग, रायपूर, बिलासपूर, झारसुगुडा व राऊरकेला येथे थांबे असतील.

पुणे – दानापूर विशेष
पुणे ते दानापूर दरम्यान गाडी क्र. ०१४७९ ही १, ५ व ९ मार्च रोजी पुणे येथून सायं. ७.५५ वाजता सुटेल व दानापूर येथे तिसऱ्या दिवशी सकाळी ८.०० वाजता पोहोचेल. (३ फेऱ्या)

परतीची गाडी क्र. ०१४८० ही ३, ७ व ११ मार्च रोजी दानापूर येथून सकाळी १०.०० वाजता सुटेल व पुणे येथे दुसऱ्या दिवशी सायं. ६.१५ वाजता पोहोचेल. (३ सेवा)

या गाडीला दौंड कॉर्ड केबिन, अहिल्यानगर, कोपरगाव, मनमाड, जळगाव, भुसावळ, खंडवा, इटारसी, मदन महल, कटनी, सतना, माणिकपूर, प्रयागराज छिवकी, पं. दीनदयाळ उपाध्याय जंक्शन, बक्सर व आरा येथे थांबे देण्यात आले आहेत.
प्रवाशांनी तिकीट आरक्षण वेळेत करून या विशेष गाड्यांचा लाभ घ्यावा, असे आवाहन रेल्वे प्रशासनाकडून करण्यात आले आहे.