जळगावात घुमणार विठूनामाचा गजर; ‘विठू माझा चंदनाचा कंद’ भक्ती संगीताचे भव्य आयोजन

जळगावात घुमणार विठूनामाचा गजर; ‘विठू माझा चंदनाचा कंद’ भक्ती संगीताचे भव्य आयोजन

​संत तुकाराम बीज निमित्त स्वरवेध फौंडेशनचा उपक्रम; ‘भाऊंच्या उद्यानात’ रंगणार अभंगवाणी

​जळगाव (प्रतिनिधी) : जगतगुरु संत तुकाराम महाराज बीज उत्सवाचे औचित्य साधून जळगाव शहरात संतांच्या अभंग रचनांवर आधारित ‘विठू माझा चंदनाचा कंद’ या विशेष भक्ती गीतांच्या कार्यक्रमाचे आयोजन करण्यात आले आहे. स्वरवेध फौंडेशन प्रस्तुत आणि पंडित संजय पत्की यांच्या स्वर स्वामी गुरुकुल (आग्रा घराणा) संचलित हा कार्यक्रम येत्या गुरुवार, ५ मार्च २०२६ रोजी संध्याकाळी ६ ते ९ या वेळेत महाबळ रोडवरील ‘भाऊंचे उद्यान’ (काव्य रत्नावली चौक, ॲम्पी थिएटर) येथे पार पडणार आहे.

​संतांच्या अभंगांचा रसास्वाद
या कार्यक्रमात संत तुकाराम महाराज, संत ज्ञानेश्वर, संत नामदेव, संत एकनाथ, संत जनाबाई आणि संत कैकाडी महाराज यांच्या विठू माऊलीवर आधारित अजरामर अभंग रचना व भक्ती गीतांचे सादरीकरण केले जाणार आहे. आग्रा घराण्याचे ज्येष्ठ गायक पंडित संजय पत्की आणि ओंकार संगीत साधनेचे प्रा. दुष्यंत जोशी यांच्या मार्गदर्शनाखाली हा स्वरसोहळा रंगणार आहे.

​असा असेल कलावंतांचा ताफा
​गायक: इंजि. भागवत पाटील,  किशोर मोरे, श्री. निळकंठ कासार, अंजली धुमाळ, इंजि. श्सुनील पाटील, रमेश पहेलानी,. बापूसाहेब पाटील आणि श्रीमती ज्योती पाटील.
​वाद्यवृंद: . सुशील महाजन (हार्मोनियम), . प्रवीण महाजन (तबला).
​निवेदन: श्रीमती ज्योती राणे-पाटील.
​ध्वनी व्यवस्था: विजय साऊंड सर्व्हिस (श्री. विजय जोशी).

​मान्यवरांची उपस्थिती आणि सौजन्य
या कार्यक्रमाला आमदार राजूमामा भोळे, महापौर दीपमाला काळे, उपमहापौर मनोज चौधरी यांच्यासह नवनियुक्त स्थायी समिती सभापती डॉ. चंद्रशेखर पाटील यांची प्रमुख उपस्थिती राहणार आहे. कार्यक्रमाच्या यशस्वीतेसाठी माजी नगराध्यक्ष बंडूदादा काळे, डॉ. नरेंद्र ठाकूर, इंजि. सुनील पाटील, तुकाराम पाटील, मुकुंद माळी, कैलास सोनार आणि डॉ. नरेंद्र सोनार यांचे सहकार्य लाभले आहे.
​संकल्पना आणि विनीत
स्वरवेध फौंडेशनचे अध्यक्ष इंजि.  भागवत पाटील आणि श्किशोर मोरे यांच्या संकल्पनेतून हा कार्यक्रम साकार होत आहे. ‘ए. बी. कॉन्ट्रक्टस्’ आणि ‘ऑत सिव्हिल इंजिनीअरिंग वर्क्स’ यांचे या सोहळ्याला विशेष सौजन्य लाभले आहे. जळगावमधील समस्त विठ्ठल भक्त आणि संगीत प्रेमींनी या भक्ती सोहळ्याचा लाभ घ्यावा, असे आवाहन आयोजकांमार्फत करण्यात आले आहे.