रानडुकरांसाठी लावलेल्या झटका मशीनचा शॉक; तरुण शेतकरी ठार
पाचोरा (प्रतिनिधी) : तालुक्यातील भोजे येथे शेतात पिकांना पाणी भरण्यास गेलेल्या तरुण शेतकऱ्याचा झटका मशीनमधील विजेचा शॉक लागून जागीच मृत्यू झाल्याची दुर्दैवी घटना रविवारी (दि. ९) घडली. अमोल संतोष उबाळे असे मृत शेतकऱ्याचे नाव आहे.
मिळालेल्या माहितीनुसार, अमोल उबाळे हे पहाटे आपल्या शेतातील पिकांना पाणी भरण्यासाठी गेले होते. त्यांच्या शेजारील शेतात रानडुकरांपासून संरक्षणासाठी झटका मशीन बसविण्यात आले असून त्यामध्ये विजेचा प्रवाह सोडण्यात आला होता. पिकांना पाणी देताना त्या मशीनच्या तारेला स्पर्श झाल्याने त्यांना जोरदार विजेचा शॉक बसला आणि त्यांचा जागीच मृत्यू झाला.
घटनेची माहिती मिळताच स्थानिक नागरिक व पोलिसांनी घटनास्थळी धाव घेतली. मृतदेह ताब्यात घेऊन पुढील प्रक्रिया सुरू करण्यात आली असून या घटनेमुळे परिसरात हळहळ व्यक्त केली जात आहे.
दै. बातमीदार चे अपडेट्स मिळवण्यासाठी आम्हाला फॉलो करा
फेसबुक । ट्विटर ।युट्युब | इंस्टाग्राम | गुगल न्यूज | टेलिग्राम
