जीएम फाउंडेशनतर्फे २६ रुग्णांवर मोतीबिंदू शस्त्रक्रिया यशस्वी
जळगाव– राज्याचे जलसंपदा तथा आपत्ती व्यवस्थापन मंत्री ना. गिरीश महाजन यांच्या पुढाकारातून जळगाव जिल्हा मोतीबिंदूमुक्त करण्यासाठी सातत्याने विविध आरोग्य उपक्रम राबविण्यात येत आहेत. त्याचाच एक भाग म्हणून जळगाव येथील शासकीय वैद्यकीय महाविद्यालय व रुग्णालयात मोतीबिंदू तपासणी व शस्त्रक्रिया शिबिराचे आयोजन करण्यात आले. या शिबिरात एकूण २६ रुग्णांवर यशस्वी मोतीबिंदू शस्त्रक्रिया करण्यात आल्या.
या शिबिराचा लाभ पारोळा, जामनेर आणि फत्तेपूर परिसरातील रुग्णांना झाला. ग्रामीण भागातील गरजू रुग्णांना मोफत व दर्जेदार उपचार उपलब्ध करून देणे हा या उपक्रमामागील मुख्य उद्देश असल्याचे सांगण्यात आले.
जिल्हा शल्यचिकित्सक डॉ. स्वप्नील सांगळे, अधिष्ठाता डॉ. गिरीष ठाकूर व डॉ. धर्मेंद्र पाटील यांच्या मार्गदर्शनाखाली नेत्रशल्यचिकित्सक डॉ. प्रविण पाटील, डॉ. मयुरी राठोड, डॉ. राधिका दरक, डॉ. विवेक साळुंखे, डॉ. दिव्या सोनवणे, डॉ. मयुरेश डोंगरे, डॉ. सोबीया अन्सारी, डॉ. स्वाती आसोले, डॉ. प्रियंका पाटील यांनी शस्त्रक्रिया यशस्वीपणे पार पाडल्या.
नेत्रचिकित्सा अधिकारी सोमलाल पवार व पूजा पाठक यांनी कामकाज पाहिले. तसेच सुनिता वक्ते, भाग्यश्री ढाकणे, वैष्णवी दांडगे, हीरा पालवी यांनी सहाय्यक म्हणून सहकार्य केले.
शिबिराचे समन्वयन गिरीश महाजन वैद्यकीय सहायता कक्षाचे समन्वयक शिवाजी पाटील यांनी केले. या उपक्रमासाठी विजय नेरे व कुणाल बाविस्कर यांचेही सहकार्य लाभले.
या उपक्रमामुळे जळगाव जिल्हा मोतीबिंदूमुक्त करण्याच्या नामदार गिरीश महाजन यांच्या स्वप्नाला बळ मिळत असल्याची भावना उपस्थितांनी व्यक्त केली. सर्व रुग्णांच्या येण्या-जाण्याची व्यवस्था ना. गिरीश भाऊ महाजन फाऊंडेशनतर्फे करण्यात आली.
दै. बातमीदार चे अपडेट्स मिळवण्यासाठी आम्हाला फॉलो करा
फेसबुक । ट्विटर ।युट्युब | इंस्टाग्राम | गुगल न्यूज | टेलिग्राम
