जळगाव येथे १६ मार्च रोजी प्लेसमेंट ड्राईव्ह; विविध पदांसाठी जागेवर मुलाखती

जळगाव येथे १६ मार्च रोजी प्लेसमेंट ड्राईव्ह; विविध पदांसाठी जागेवर मुलाखती

जळगाव-: जिल्हा कौशल्य विकास, रोजगार व उद्योजकता मार्गदर्शन केंद्र, जळगाव यांच्या वतीने १६ मार्च २०२६ रोजी सकाळी १० वाजता शासकीय तांत्रिक विद्यालय परिसर, जी.एस. ग्राउंड जवळ, जळगाव येथे प्लेसमेंट ड्राईव्ह आयोजित करण्यात आला आहे.

या प्लेसमेंट ड्राईव्हमध्ये छबी इलेक्ट्रिकल्स तसेच सुप्रीम इंडस्ट्रीज लि., जळगाव यांसारख्या नामांकित उद्योगसंस्था सहभागी होणार असून विविध पदांसाठी मुलाखती घेतल्या जाणार आहेत.

ड्रिपलाईन मशीन ऑपरेटर, एचडीपीई लाईन इंजिनिअर, मेंटेनन्स इंजिनिअर, रॉ मटेरियल स्टोअर मॅनेजर, अकाउंट ऑफिसर, क्वालिटी टेक्निशियन, प्रोडक्शन इंजिनिअर, लॉजिस्टिक अँड अकाउंट असिस्टंट, स्टोअर/परचेस इंजिनिअर आदी पदांसाठी संधी उपलब्ध आहेत. यासाठी बी.कॉम, एम.कॉम, बीएस्सी (फिजिक्स), बी.ई., डिप्लोमा, एमबीए (फायनान्स) अशा शैक्षणिक पात्रता असलेले उमेदवार पात्र राहतील.

इच्छुक उमेदवारांनी https://rojgar.mahaswayam.gov.in या संकेतस्थळावर नोंदणी करून उपलब्ध रिक्त पदांसाठी आपल्या युजर आयडी व पासवर्डने लॉग-इन करून अर्ज करावा. ज्या उमेदवारांनी नोंदणी केलेली नाही त्यांनीही सर्व शैक्षणिक कागदपत्रांसह मुलाखतीच्या दिवशी उपस्थित राहावे.

अधिक माहितीसाठी कार्यालयीन वेळेत जिल्हा कौशल्य विकास, रोजगार व उद्योजकता मार्गदर्शन केंद्र, शासकीय तांत्रिक विद्यालय परिसर, जी.एस. ग्राउंड जवळ, जळगाव येथे प्रत्यक्ष संपर्क साधावा किंवा दूरध्वनी क्रमांक ०२५७-२९५९७९० वर संपर्क साधावा, असे आवाहन सहाय्यक आयुक्त संदीप गायकवाड यांनी केले आहे.