अविष्कार’ सांस्कृतिक महोत्सवात विद्यार्थ्यांचा जल्लोष

‘अविष्कार’ सांस्कृतिक महोत्सवात विद्यार्थ्यांचा जल्लोष

चोपडा येथील अभियांत्रिकी व तंत्रनिकेतन महाविद्यालयात दोन दिवस रंगले विविध उपक्रम

चोपडा : महात्मा गांधी शिक्षण मंडळ संचालित श्रीमती शरच्चद्रिका सुरेश पाटील इन्स्टिट्यूट ऑफ टेक्नॉलॉजी (इंजिनिअरिंग व पॉलिटेक्निक) महाविद्यालयात ‘अविष्कार’ हा सांस्कृतिक महोत्सव २४ व २५ मार्च रोजी उत्साह आणि जल्लोषात पार पडला.
ढोल-ताशांच्या गजरात सुरुवात
महोत्सवाची सुरुवात ढोल-ताशांच्या गजरात काढण्यात आलेल्या भव्य शोभायात्रेने झाली. विद्यार्थ्यांच्या उत्साहामुळे परिसरात उत्सवी वातावरण निर्माण झाले होते.

विविध स्पर्धांनी रंगत
या महोत्सवात ट्रॅडिशनल डे, मिस-मॅच डे, रॅम्प वॉक, बॉलीवूड डे, रांगोळी स्पर्धा, गीत गायन, वन मिनिट शो, नाटक, नृत्य आणि मिमिक्री अशा विविध आकर्षक स्पर्धांचे आयोजन करण्यात आले होते. विद्यार्थ्यांनी मोठ्या उत्साहात सहभाग घेत आपले कलागुण सादर केले.

मान्यवरांच्या हस्ते उद्घाटन
कार्यक्रमाचे उद्घाटन डॉ. स्मिता पाटील यांच्या हस्ते करण्यात आले. बक्षीस वितरण समारंभासाठी प्रमुख अतिथी म्हणून प्रा. गौरव महाले उपस्थित होते. त्यांनी विद्यार्थ्यांच्या कला व कौशल्याचे कौतुक करत मार्गदर्शन केले.
शिक्षणासोबत व्यक्तिमत्व विकासावर भर
यावेळी तंत्र शिक्षण समितीचे सदस्य डॉ. हनुमंतराव सूर्यवंशी उपस्थित होते. प्राचार्य व्ही. एन. बोरसे यांनी विद्यार्थ्यांनी शैक्षणिक प्रगतीसोबत अशा उपक्रमांतून नेतृत्वगुण व व्यक्तिमत्व विकास साधावा, असे आवाहन केले.

सूत्रसंचालन व उपस्थिती
कार्यक्रमाचे सूत्रसंचालन मोहिनी पाटील आणि सुजाता पाटील यांनी केले. यावेळी सर्व विभाग प्रमुख, प्राध्यापक व कर्मचारी मोठ्या संख्येने उपस्थित होते.