आयुष्यात ५ महिला आल्या पण आजही आहे ‘सिंगल’; कमल हसन यांची लव्हलाईफ?

दै. बातमीदार । ७ नोव्हेबर २०२२  ७ नोव्हेंबर १९५४ रोजी जन्मलेले कमल हासन त्याच्या अभिनयासाठी ओळखले जातात. ते दाक्षिणात्य सिनेसृष्टीचे सुपरस्टार असून त्यांनी हिंदी चित्रपटांमध्येही आपला ठसा उमटवला आहे. त्यांचा आज वाढदिवस आहे. उत्तम अभिनेता असण्यासोबतच कमल दिग्दर्शक, पटकथा लेखक, निर्माता, पार्श्वगायकदेखील आहेत. कमल यांनी बालकलाकार म्हणून चित्रपटातून करिअरला सुरुवात केली.

त्याचवेळी त्यांनी १९७५ मध्ये ‘अपूर्व रागांगल’मधून हिरो म्हणून पदार्पण केले. कमल हासन त्याच्या चित्रपट आणि अभिनयासोबतच त्यांच्या लव्ह लाईफमुळेही खूप चर्चेत असायचे. विशेष म्हणजे कमल हासन यांनी दोन लग्न केली पण दोन्ही लग्न अयशस्वी ठरली. आज ते एकटे आपलं आयुष्य जगत आहेत. चला जाणून घेऊया अभिनेत्याच्या लव्ह लाईफबद्दल…
कमल हासन यांच्या आयुष्यात आतापर्यंत पाच महिला आल्या. कमल यांनी १९७० च्या दशकात अभिनेत्री श्रीविद्यासोबत काही चित्रपटांमध्ये काम केले. यादरम्यान कमल हासन आणि श्रीविद्या यांच्या अफेअरच्या बातम्या आल्या होत्या. मात्र, त्यांचे नाते फार काळ टिकले नाही. कमल हासन आणि वाणी गणपती यांनी १९७८ मध्ये लग्न केले. मात्र लग्नाच्या १० वर्षानंतर दोघेही वेगळे झाले.

कमल यांच्या आयुष्यात आले श्रुती आणि अक्षरा
वाणीपासून घटस्फोट घेतल्यानंतर कमल यांचे नाव अभिनेत्री सारिकासोबत जोडले गेले. रिपोर्ट्सनुसार, दोघेही लग्नाआधीच श्रुती हासनच्या मुलीचे पालक झाले होते. त्यानंतर दोघांनी लग्न केले. लग्नानंतर कमल हासन आणि सारिका यांना दुसरी मुलगी अक्षरा झाली. कमल हासन आणि सारिकाचे नातेही फार काळ टिकले नाही आणि २००४ मध्ये दोघेही वेगळे झाले.

२२ वर्ष लहान अभिनेत्रीला केलं डेट!

लग्नाव्यतिरिक्त कमल हासन त्यांच्या अफेअर्समुळेही खूप चर्चेत राहिले. त्यांच्यापेक्षा २२ वर्षांनी लहान असलेल्या सिमरन बग्गासोबतही त्यांचे नाव जोडले गेले. त्याचवेळी, नंतर बातम्या आल्या की सिमरन बग्गाने तिच्या एका मित्राशी लग्न केले. याशिवाय कमल हासन १३ वर्षे अभिनेत्री गौतमीसोबत लिव्ह-इनमध्ये होते आणि २०१६ मध्ये वेगळे झाले.