अजितदादांनी वैचारिक मोठेपणा दाखवावा ; शिंदे गटाची वादात उडी !

दै. बातमीदार । ५ जानेवारी २०२३ राज्यात गेल्या आठवड्यापासून राष्ट्रवादी विरुद्ध भाजप असे आंदोलन सुरु असतांना यात शिंदे गटाने आता उडी घेतली आहे. शिंदे गटाच्या एका आमदाराने आता अजित पवार यांना चांगलेच फटकारले आहे. एका खासगी कार्यक्रमानिमित्त आमदार शहाजीबापू पाटील आले होते. त्यावेळी त्यांनी माध्यमांशी संवाद साधला.

छत्रपती संभाजी महाराज यांना धर्मवीर व स्वराज्य रक्षक म्हणण्यावरून सध्या राज्यात वाद निर्माण झाला आहे. यावरून विरोधी पक्षनेते अजित पवार यांनी स्वराज्य रक्षक हेच बरोबर आहे. धर्मवीर नव्हे तर स्वराज्य रक्षक या शब्दावर ठाम असल्याचं म्हटलं होतं. त्यावरून शहाजीबापू यांनी आपली प्रतिक्रिया दिलीये. स्वराज्य रक्षक हा अजित पवार यांचा शब्द बरोबर आहे. परंतु, छत्रपती संभाजी महाराज हे स्वराज्य विस्तारक आणि कडवे हिंदू धर्मवीर होते. अजितदादांनी स्वराज्य रक्षक शब्दाबरोबर धर्मवीर संभाजी महाराज असं म्हटलं तर ते महाराष्ट्रातीलच नव्हे तर देशातील जनतेला आवडेल. तेवढा अजितदादांनी वैचारिक मोठेपणा दाखवावा, असं मत बाळासाहेबांची शिवसेना गटाचे आमदार शहाजीबापू पाटील यांनी इथं व्यक्त केलं.

शहाजीबापू म्हणाले, स्वराज्य रक्षक हा अजित पवार यांचा शब्द बरोबर आहे. परंतु, छत्रपती संभाजी महाराज हे स्वराज्य विस्तारक आणि कडवे हिंदू धर्मवीर होते. अजितदादांनी स्वराज्य रक्षक शब्दाबरोबर धर्मवीर संभाजी महाराज असं म्हटलं तर ते महाराष्ट्रातीलच नव्हे तर देशातील जनतेला आवडेल. तेवढा अजितदादांनी वैचारिक मोठेपणा दाखवावा, असं त्यांनी नमूद केलंय.