नागरिकांना महागाईचा पुन्हा झटका ; उद्यापासून दुधाचे दरवाढ !

दै. बातमीदार । २६ डिसेंबर २०२२ । राज्यात महागाई दिवसेदिवस वाढत असतांना पुन्हा नागरिकांना मोठा झटका बसला आहे. मदर डेअरी च्या दूध दरात उद्यापासून वाढ करण्याचा निर्णय कपंनीने जाहीर केला आहे. यावर्षी मदर डेअरीकडून दूध दर वाढवण्याची ही पाचवी वेळ आहे.

Mother Dairy hikes milk rate by Rs 2/litre effective from tomorrow

There is no revision in the MRP of Cow Milk and Token Milk variants. pic.twitter.com/SXoQ8sbqBS

— ANI (@ANI) December 26, 2022

कंपनीने जाहीर केलेल्या निर्णयानंतर मदर डेअरीच्या दूध दरात प्रति लीटर दोन रुपयांची वाढ करण्याचा निर्णय घेण्यात आला आहे. कंपनीकडून केली जाणारी ही दरवाढ उद्यापासून अंबलात आणली जाणार असल्याचे कंपनीने स्पष्ट केले आहे. कंपनीकडून करण्यात येणारी ही दरवाढ दिल्ली-एनसीआरमध्ये केली जाणार असून, मंगळवारपासून दिल्ली-एनसीआर बाजारपेठेत दुधाच्या दरात प्रतिलिटर 2 रुपयांनी वाढ केली जाणार आहे. मदर डेअरी दिल्ली-एनसीआरमध्ये दररोज 30 लाख लिटरपेक्षा जास्त प्रमाणात दुधाचा पुरवठा करते. कंपनीकडून जाहीर करण्यात आलेल्या दरवाढीनंतर मदर डेअरीच्या फुल क्रीम दूधासाठी ग्राहकांना प्रतिलिटर 66 रुपये मोजावे लागणार आहेत. तर, टोन्ड दुधासाठी 51 रुपयांऐवजी प्रति 53 रूपये मोजावे लागणार आहेत. त्याचबरोबर डबल टोन्ड दूधासाठी 45 रुपयांऐवजी 47 रुपये मोजावे लागणार आहेत.