दै. बातमीदार । ३ जानेवारी २०२३ सैराट चित्रपटानंतर देशभर प्रसिद्ध झालेली अभिनेत्री रिंकू राजगुरू ही सध्या सोशल मीडियावर नेहमी सक्रिय असते. ती नेहमी वेगवेगळ्या लूकमधील फोटो सोशल मीडियावर शेअर करते. नुकताच एक खास व्हिडीओ रिंकूनं शेअर केला आहे. या व्हिडीओमधील रिंकूच्या लूकनं अनेकांचे लक्ष वेधले. काही नेटकऱ्यांनी रिंकूनं शेअर केलेल्या व्हिडीओला कमेंट करुन तिला ट्रोल केलं आहे.
रिंकूनं शेअर केला व्हिडीओ: रिंकूनं पठाण चित्रपटातील बेशरम रंग हे गाण्यावरील व्हिडीओ सोशल मीडियावर शेअर केला आहे. या व्हिडीओमध्ये रिंकू ही खास लूकमध्ये दिसत आहे. मोत्याचे इअरिंग्स, मोत्याचं गळ्यातलं आणि पिंक कलरचा प्रिंटेड ड्रेस अशा लूकमध्ये रिंकू दिसत आहे. रिंकूच्या या व्हिडीओला कमेंट करुन काही नेटकऱ्यांनी तिला ट्रोल केलं.
रिंकूनं शेअर केलेल्या व्हिडीओला एका नेटकऱ्यानं कमेंट केली, ‘एवढा पैसा आलाय तर तो दात का काढत नाहीस…’ तर दुसऱ्या युझरनं कमेंट केली, ‘बोगस गाणं निवडलंस’. रिंकूच्या या व्हिडीओला जवळपास 266 नेटकऱ्यांनी कमेंट्स केल्या आहेत. तर 30 हजारपेक्षा जास्त युझर्सनं या व्हिडीओला लाइक केलं आहे. ‘सैराट’ या चित्रपटातून रिंकू राजगुरूने अभिनय क्षेत्रात पदार्पण केलं. या चित्रपटातील रिंकूच्या अभिनयानं अनेकांचे मन जिंकले. या चित्रपटामुळे रिंकू ही ‘आर्ची’या नावानं ओळखली जाऊ लागली. ‘सैराट’नंतर रिंकूने ‘मेकअप’, ‘कागर’ अशा मराठी चित्रपटांमध्ये काम केलं. याशिवाय ती नुकतीच ‘झुंड’ या हिंदी चित्रपटात झळकली होती.
दै. बातमीदार चे अपडेट्स मिळवण्यासाठी आम्हाला फॉलो करा
फेसबुक । ट्विटर ।युट्युब | इंस्टाग्राम | गुगल न्यूज | टेलिग्राम
