टोमॅटोचे तुमच्या शरीराला होणारे फायदे; जाणून घ्या काय आहे ‘ते’ !

दै. बातमीदार । १५ नोव्हेबर २०२२ नेहमीच्या आहारात जर तुम्ही टोमॅटोचा उपयोग होत नसेल तर तुम्हाला आरोग्याबाबत समस्या निर्माण होवू शकतात, यासाठी आपल्या आहारात टोमॅटोला महत्वपूर्ण स्थान आहे, टोमॅटोमध्ये कॅल्शियम, फॉस्फरस आणि व्हिटॅमिन सी भरपूर प्रमाणात असते. अॅसिडिटीची तक्रार असल्यास टोमॅटो खाल्याने ही तक्रार दूर होते. टोमॅटो खायला रुचकर तसेच पौष्टिक आहे.टोमॅटोच्या आंबट चवीचे कारण म्हणजे त्यात सायट्रिक ऍसिड आणि मॅलिक ऍसिड आढळतात, ज्यामुळे ते अँटासिड म्हणून काम करते. टोमॅटोमध्ये व्हिटॅमिन ए मुबलक प्रमाणात आढळते, जे डोळ्यांसाठी खूप फायदेशीर आहे. या टोमॅटोचे शरीराला होणारे काही आश्चर्यकारक फायदे याबद्दल जाणून घ्या

टोमॅटो ही जगातील सर्वाधिक वापरली जाणारी भाजी आहे. असे बरेच लोक आहेत जे टोमॅटोशिवाय स्वयंपाक करण्याची कल्पनाही करू शकत नाहीत, कारण त्यांना मिळणारे फायदे शरीर निरोगी ठेवण्यास मदत करतात. टोमॅटोचा उगम दक्षिण अमेरिकेतील अँडीजमध्ये झाला. मेक्सिकोमध्ये प्रथम टोमॅटोचा वापर अन्न म्हणून करण्यात आला. टोमॅटोमध्ये नैसर्गिकरित्या फॅट, कोलेस्ट्रॉल, कॅलरीज आणि सोडियमचे प्रमाण कमी असते. टोमॅटोमुळे शरीराला थायामिन, नियासिन, बी जीवनसत्त्वे, मॅग्नेशियम, फॉस्फरस देखील मिळतात. सर्वसाधारणपणे, टोमॅटोसह इतर भाज्या आणि फळे खाल्ल्याने उच्च रक्तदाब, उच्च कोलेस्ट्रॉल, स्ट्रोक आणि हृदयविकारापासून संरक्षण होते.

टोमॅटो हाडे मजबूत करण्यासाठी अत्यंत फायदेशीर आहे. टोमॅटोमधील जीवनसत्त्वे आणि कॅल्शियम दोन्ही हाडे मजबूत करण्यासाठी उत्तम आहेत. टोमॅटोमध्ये असलेले लाइकोपीन हाडांचे आरोग्य वाढते, जो ऑस्टियोपोरोसिसशी लढण्याचा एक चांगला मार्ग आहे. टोमॅटोचे दररोज सेवन केल्याने तुमची त्वचा सुधारण्यास मदत होते. आंघोळ करण्यापूर्वी टोमॅटोचे तुकडे डोळ्यांवर 30 मिनिटे ठेवल्यास किंवा टोमॅटोची पेस्ट लावल्यास चेहऱ्यावरील काळे डाग दूर होऊ शकतात. चेहऱ्यावरील सुरकुत्या दूर करण्यासाठी टोमॅटोचा वापर केला जाऊ शकतो.
टोमॅटो ही एकमेव अशी भाजी आहे. जी कॅन्सरशी लढण्यासाठी नैसर्गिकरित्या उपयुक्त आहे. प्रोस्टेट, गर्भाशय, तोंड, घशाचा दाह, स्वरयंत्र, अन्ननलिका, पोट, गुद्द्वार आणि गर्भाशयाच्या कर्करोगासह अनेक प्रकारच्या कर्करोगाचा धोका कमी करू शकतो. टोमॅटोचे अँटिऑक्सिडंट्स, म्हणजे जीवनसत्त्वे ए आणि सी, रॅडिकल्सशी लढतात, ज्यामुळे पेशींचे नुकसान होण्यापासून वाचते. कर्करोगाशी लढण्यासाठी टोमॅटोचे सेवन करण्याचा सल्लाही डॉक्टर देतात.

तुमची दृष्टी कमी असेल किंवा अंधुक असेल तर टोमॅटोमुळे तुमची दृष्टी सुधारू शकते. टोमॅटोमधील व्हिटॅमिन ए तुमची दृष्टी सुधारण्यास आणि रातांधळेपणा टाळण्यास मदत करू शकते. नुकत्याच झालेल्या एका संशोधनात असे दिसून आले आहे की, टोमॅटोचे सेवन केल्याने मॅक्युलर डिजेनेरेशन कमी होण्यास मदत होते, डोळ्यांची गंभीर आणि स्थिती सुधारते.
टोमॅटोमध्ये असलेले पोषक तत्व तुमचे केस चांगले आणि चमकदार बनवण्यास मदत करतात. टोमॅटोमध्ये आढळणारे व्हिटॅमिन केस मजबूत आणि चमकदार बनवण्याचे काम करतात. जर तुमचे केस पातळ होत असतील, तर यासाठी टोमॅटोचा फायदा होणार, त्यामुळे तुमचे केस पूर्वीपेक्षा नक्कीच चांगले होतील.