दै. बातमीदार । २० डिसेंबर २०२२ । राज्यातील ग्रामपंचायत निवडणुकांचे निकाल नुकेतच लागत आहे. यातच एक मोठी बातमी समोर आली आहे. गुजरातचे प्रदेशाध्यक्ष असलेले सी.आर.पाटील यांनी भाजपला गुजरात जिंकून दिले पण जळगाव जिल्ह्यातील जामनेर तालुक्यातील मोहाडी या गावी सी.आर.पाटील यांच्या मुलीच्या पॅनलचा पराभव झाला आहे.
भाविनी पाटील यांच्या ग्रामविकास पॅनलला 10 पैकी 3 जागा मिळाल्या आहेत. भाविनी पाटील यांचे प्रतिस्पर्धी शरद पाटील यांच्या लोकशाही उन्नती पॅनलला दहा पैकी सात जागा मिळाल्या, त्यात लोकनियुक्त सरपंचपदही शरद पाटलांच्या पॅनलला मिळालं आहे. तर भाविनी पाटील या विजयी झाल्या. मोहाडी ग्रामपंचायतच्या निकालाकडं जळगाव जिल्हासह राज्याचं लक्ष लागून होतं. या ठिकाणी भाजप विरुद्ध भाजप अशी लढत होती. भाविनी पाटील यांच्या पॅनलला राष्ट्रवादी काँग्रेसचा पाठिंबा होता. परंतु, निकालात त्यांच्या पॅनलला पराभव पत्करावा लागला आहे. त्यामुळं हा धक्कादायक निकाल मानला जात आहे.
दै. बातमीदार चे अपडेट्स मिळवण्यासाठी आम्हाला फॉलो करा
फेसबुक । ट्विटर ।युट्युब | इंस्टाग्राम | गुगल न्यूज | टेलिग्राम
