दै. बातमीदार । १ नोव्हेबर २०२२ ‘जुडवा’, ‘घरवाली बाहरवाली’, ‘क्यूंकी में झुठ नहीं बोलता’ या गाजलेल्या हिंदी चित्रपटांमध्ये झळकलेल्या रंभाच्या कार अपघात कॅनडात झाला. यावेळी गाडीत तिच्यासह तिची लहान मुलं आणि आया होत्या. सुदैवाने यात कोणीही गंभीर जखमी झाले नाही, मात्र रंभाती मुलगी साशा अजूनही रुग्णालयात आहे. रंभाने स्वतः सोशल मीडियावर याची माहिती दिली आणि चाहत्यांना मुलीसाठी प्रार्थना करण्याची विनंती केली आहे.
रंभाने इन्स्टाग्रामवर मुलीचा एक फोटो शेअर केला. यात सायशावर इस्पितळात उपचार सुरू असताना दिसत आहेत. तिच्या बाजूला डॉक्टरही दिसत आहेत. दुसऱ्या आणि तिसऱ्या फोटोत अपघातानंतर गाडीची अवस्था दाखवण्यात आली आहे.
रंभाने कॅप्शनमध्ये लिहिले, ‘मुलांना शाळेतून आणत असताना आमच्या गाडीला दुसऱ्या गाडीने धडक दिली. यावेळी गाडीत माझ्यासोबत मुले आणि मदतनीस होत्या. आम्ही सर्व सुरक्षित आहोत. किरकोळ जखमा झाल्या आहेत. माझी छोटी साशा अजूनही हॉस्पिटलमध्ये आहे. कृपया आमच्यासाठी प्रार्थना करा. तुमच्या प्रार्थनेची सर्वाधिक गरज आहे.’ रंभाच्या या पोस्टवर अनेक सेलिब्रिटी आणि चाहते कमेंट करत आहेत आणि रंभा आणि तिच्या मुलीसाठी प्रार्थना करत आहेत.
‘जुडवा’, ‘घरवाली बाहरवाली’, ‘क्यूंकी में झुठ नहीं बोलता’ या गाजलेल्या हिंदी चित्रपटांमध्ये झळकलेल्या रंभाने तेलुगू, तामिळ, कन्नड, मल्याळम, बंगाली, भोजपूरी आणि इंग्रजी चित्रपटांमध्ये काम केले आहे. आता चित्रपटांपासून दूर असलेल्या रंभाने 8 एप्रिल 2010 मध्ये इंद्र कुमार पद्मनाथनसोबत विवाह केला. इंद्र मॅजिकवुड्स नावाच्या कंपनीचे सीईओ आहेत. कॅनडातील ही कंपनी किचन कॅबिनेट आणि बाथरुम व्हॅनिटीज बनवते. रंभा तिचे पती आणि तीन मुलांसह आता कॅनडात स्थायिक झाली आहे. 13 जानेवारी 2011 रोजी रंभाने पहिली मुलगी लान्या आणि 31 मार्च 2015 रोजी लहान मुलगी सायशाला जन्म दिला. 2018 मध्ये तिच्या मुलाचा जन्म झाला.
दै. बातमीदार चे अपडेट्स मिळवण्यासाठी आम्हाला फॉलो करा
फेसबुक । ट्विटर ।युट्युब | इंस्टाग्राम | गुगल न्यूज | टेलिग्राम
