दै. बातमीदार । २१ डिसेंबर २०२२ । देशात पठाण चित्रपटातील एका गाण्याने वादंग उठविले आहे. तर सोशल मीडियावर त्याची मोठ्या प्रमाणात चर्चाही सुरु आहे. आता तर अयोध्येतील संत परमहंसदास यांनी शाहरुखला जिवंत जाळण्याची धमकी दिली आहे. त्यामुळे येत्या काळात पठाणचा वाद आणखी वाढण्याची शक्यता निर्माण झाली आहे.
गेल्या काही दिवसांपासून पठाण आणि त्या चित्रपटातील बेशरम गाणे याच्याशी संबंधित जोरदार वाद सुरु झाला आहे. पठाणमध्ये शाहरुख खान आणि दीपिका पदुकोण ही मुख्य भूमिकेत आहे. दीपिकानं परिधान केलेली भगव्या रंगातील बिकीनी ही तर अनेकांच्या डोळ्यात खुपली आहे. त्यावरुनं हिंदू महासभा आक्रमक झाली आहे. तिकडे मध्यप्रदेशमध्ये नरोत्तम मिश्रा यांनी काहीही झालं तरी पठाण हा प्रदर्शित होऊ देणार नाही असे म्हटले आहे. काही मुस्लिम संघटनांनी देखील त्यावर आक्षेप नोंदवला आहे. मात्र यासगळ्यात चाहत्यांनी शाहरुखच्या त्या चित्रपटातील गाण्याचे कौतूक केले आहे. एकतर तब्बल चार वर्षांच्या मोठ्या प्रतिक्षेनंतर शाहरुखचा पठाण हा चाहत्यांच्या भेटीला येणार आहे. अशावेळी जगभर शाहरुखचा असलेला फॅन फॉलोअर्स लक्षात घेता पठाण पाहण्यासाठी मोठ्या प्रमाणावर गर्दी होणार असल्याचे म्हटले जात आहे. यासगळ्यात आणखी एका व्यक्तीला लाईमलाईटमध्ये येण्याची मोठी संधी मिळाली आहे.
दीपिकाची बिकीनी डिझाईन करण्याचे काम प्रसिद्ध स्टायलिस्ट शालिन नथानीनं केलं आहे. जशी दीपिकाची बिकीनी चर्चेत आली तशी शालिनच्या नावाची चर्चा व्हायला लागली आहे. तिची तर लॉटरीच लागली आहे. त्यानंतर बॉलीवूडच्या आगामी मोठमोठया प्रोजेक्टमध्ये देखील शालिनची वर्णी लागणार असल्याची चर्चा आहे. दीपिकाला भलताच बोल्ड टच देणाऱ्या शालिनच्या ड्रेसिंग सेन्सचे कौतूक होताना दिसत आहे. स्वता शालिन देखील ही कमालीची बोल्ड स्टाईलसाठी ओळखली जाते. तिच्या फोटोंना मिळणारा प्रतिसादही मोठा आहे.
दै. बातमीदार चे अपडेट्स मिळवण्यासाठी आम्हाला फॉलो करा
फेसबुक । ट्विटर ।युट्युब | इंस्टाग्राम | गुगल न्यूज | टेलिग्राम
