दिवाळीतील फराळ खावून तुमच्या पोटात घाण झाली का? ‘या’ गोष्टी तुम्हाला करतील मदत !

दै. बातमीदार । १ नोव्हेबर २०२२ दिवाळी म्हंटले कि फक्त धामधूम फराळ आणि फुल मज्जा त्यातच आपण आपल्या शरीराची काळजी घेतो का ? याला तितक या दिवसामध्ये सुट्टीच देवून टाकत असतो, पण सणासुदीच्या काळात विविध पदार्थ आणि मिठाईचा आनंद मनमुराद लुटला जातो. साखर, मैदा आणि मीठ वापरून बनवलेल्या पदार्थांना स्वतःची चव असते यात शंका नाही, परंतु या पदार्थांच्या अतिसेवनामुळे पोटात आणि आतड्यांमध्ये विविध प्रकारचे विषारी पदार्थ साचतात, ज्यामुळे तुमचे आरोग्य बिघडू शकते.

समस्या अशी आहे की, सणासुदीच्या काळात बरेच लोक बाहेरचे खाणे पसंत करतात. तसेच तेलकट, गोड पदार्थांवर ताव मारला जातो. सतत बाहेरचे खाल्ल्याने पोटाचे आरोग्य बिघडू शकते. लक्षात ठेवा की, एकदा तुमचे पोट खराब झाले की ते तुमच्यासाठी कठीण होऊ शकते. हवामान बदलत आहे आणि अशा परिस्थितीत पोट निरोगी ठेवणे आवश्यक आहे. फॅट टू स्लिमच्या डायरेक्टर न्यूट्रिशनिस्ट आणि डायटिशियन शिखा अग्रवाल शर्मा तुम्हाला काही उपाय सांगत आहेत, ज्याद्वारे तुम्ही आतडे आणि पोट साफ करू शकता. भरपूर पाणी पिणे आणि हायड्रेटेड राहणे हा पचनक्रिया स्वच्छ आणि उत्तम ठेवण्याचा उत्तम मार्ग आहे. कोमट पाणी पिणे देखील पचनासाठी चांगले मानले जाते. याशिवाय, तुम्ही पाण्याने समृद्ध असलेल्या गोष्टींचे सेवन वाढवू शकता. यामध्ये टरबूज, टोमॅटो, सलाड आणि सेलेरी सारख्या फळे आणि भाज्या समाविष्ट आहेत.

पोट आणि आतडे स्वच्छ करण्यासाठी तुम्ही मीठाचे पाणी पिऊ शकता. हा उपाय वापरण्यापूर्वी कृपया तुमच्या डॉक्टरांचा सल्ला घ्या. यासाठी सकाळी काही खाण्यापूर्वी कोमट पाण्यात २ चमचे मीठ मिसळा. तुम्ही समुद्री मीठ किंवा हिमालयीन मीठ वापरता. रिकाम्या पोटी पटकन पाणी प्या आणि काही मिनिटांतच तुम्हाला बाथरूममध्ये जाण्याची इच्छा होऊ शकते. हे सकाळी आणि संध्याकाळी करा. पण शक्यतो यासाठी रिकामी पोट असू द्या.

​फायबरयुक्त पदार्थांचे सेवन करा- पोट आणि आतडे स्वच्छ करण्यासाठी, आपण फायबर समृद्ध पदार्थांचे सेवन वाढवावे. फळे, भाज्या, धान्ये, सुकामेवा यांसारख्या पदार्थांमध्ये फायबर आढळते. फायबर आतडे स्वच्छ आणि मजबूत करण्याचे काम करतात. यामुळे तुम्हाला बद्धकोष्ठतेसारख्या समस्यांपासून आराम मिळतो.
ज्यूस हा एक उत्तम ‘कोलन क्लिन्जर’ मानला जातो. पोट साफ करण्यासाठी तुम्ही फळे आणि भाज्यांचे रस घेऊ शकता. ज्यूस मिक्समध्ये काही फायबर आणि पोषक तत्वे असतात ज्यामुळे पचनाला फायदा होतो. रसामध्ये आढळणारे व्हिटॅमिन सी आतडे स्वच्छ करण्यास मदत करू शकते.

​प्रायोबायोटिक्स – आपल्या आहारात प्रोबायोटिक्सचा समावेश करणे पोट साफ करण्याचा एक उत्तम आणि सोपा मार्ग आहे. तुमच्या आहारात भरपूर प्रोबायोटिक्स जसे की दही, किमची, लोणचे आणि इतर आंबवलेले पदार्थ समाविष्ट करा. प्रोबायोटिक्स फायबर आणि प्रतिरोधक स्टार्चच्या मदतीने आतड्यात चांगले जीवाणू तयार करण्यास मदत करतात.

​सफरचंदचा रस- ऍपल सायडर व्हिनेगर देखील एक प्रोबायोटिक मानले जाते. आतडे स्वच्छ करण्यासाठी सर्वात किफायतशीर गोष्टींपैकी एक मानले जाते. ऍपल सायडर व्हिनेगरमध्ये एंजाइम आणि ऍसिड असतात, जे खराब बॅक्टेरिया नष्ट करतात.

​हर्बल चहा- हर्बल टी आतड्यांद्वारे पाचक आरोग्यासाठी मदत करू शकतात. रेचक औषधी वनस्पती जसे की सायलियम, कोरफड, मार्शमॅलो रूट आणि स्लिपरी एल्म बद्धकोष्ठतेवर मदत करू शकतात. इतर औषधी वनस्पती जसे की आले, लसूण आणि लाल मिरचीमध्ये प्रतिजैविक फायटोकेमिकल्स असतात. असे मानले जाते की ते खराब जीवाणू दाबतात.