EXCLUSIVE : Jalgaon–Pune मार्गावरील ‘श्रीमंती ट्रॅव्हल्स’वर गंभीर आरोपांचा भडका – Sleeper Booking आड “अव्वाचे सव्वा भाडे” आकारणी, आसन क्षमतेपेक्षा बेकायदेशीर कॅबिन प्रवासी भरती; प्रवाशांच्या जीवाशी खेळ?

Jalgaon ते Pune दरम्यान धावणाऱ्या श्रीमंती ट्रॅव्हल्स या खाजगी प्रवासी सेवेबाबत अत्यंत गंभीर आणि धक्कादायक तक्रारी समोर आल्या असून, या प्रकरणामुळे प्रवासी सुरक्षेचा प्रश्न ऐरणीवर आला आहे.

Batmidar News – Exclusive सूत्रांच्या माहितीनुसार, संबंधित ट्रॅव्हल्सच्या बस redBus सारख्या ऑनलाइन प्लॅटफॉर्मवर कायदेशीर पद्धतीने Sleeper सीट्स बुक केल्या जात असताना, प्रत्यक्ष प्रवासादरम्यान काही चालक व कर्मचारी बेकायदेशीर प्रकार करत असल्याचे आरोप आहेत.

24 दुचाकी चोरणाऱ्या दोन पळालेल्या आरोपींना फिल्मिस्टाईल अटक

प्रवाशांच्या म्हणण्यानुसार, बस रस्त्यात थांबवून रोडसाईडवर उभ्या असलेल्या प्रवाशांकडून थेट रोख रक्कम घेऊन त्यांना बसच्या कॅबिनमध्ये आसन क्षमतेपेक्षा जास्त प्रवासी बसवले जात असल्याचा गंभीर आरोप करण्यात आला आहे. हा प्रकार कोणत्याही तिकीट, नोंद किंवा परवानगीशिवाय केला जात असून, तो पूर्णतः बेकायदेशीर असल्याचे सांगण्यात येते.

 महत्त्वाचा आणि धक्कादायक आरोप म्हणजे — प्रवाशांकडून अधिकृत तिकीट दरापेक्षा ‘अव्वाचे सव्वा’ भाडे आकारले जात असल्याचा गंभीर आरोपही प्रवाशांनी केला आहे.

या अतिरिक्त रकमेची कोणतीही पावती दिली जात नसून, थेट चालक किंवा कर्मचाऱ्यांकडेच पैसे घेतले जात असल्याचे सांगण्यात येते.

विशेष म्हणजे, अशा प्रकारे कॅबिनमध्ये प्रवासी भरल्याने

•  वाहनाची सुरक्षितता धोक्यात येते
• अपघाताच्या वेळी जीवितहानीचा धोका वाढतो
•  विमा संरक्षण (Insurance) अमान्य ठरू शकते
  असे तज्ज्ञांचे मत आहे.

यासोबतच, Jalgaon–Pune मार्गावर धावणाऱ्या काही ट्रॅव्हल्स वाहनांमध्ये क्षमतेपेक्षा जास्त प्रवासी भरले जात असल्याचे, तसेच काही वाहनांमधून बेकायदेशीरपणे पार्सल अथवा मालवाहतूक केली जात असल्याचे आरोपही करण्यात आले आहेत.

प्रवाशांनी आणखी आरोप केला आहे की, काही वाहनांमध्ये अग्निशमन यंत्रणा (Fire Extinguisher), फर्स्ट एड बॉक्स, इमर्जन्सी एक्झिट, इमर्जन्सी हॅमर यांसारखी आवश्यक सुरक्षा साधने प्रत्यक्ष उपलब्ध नसल्याचे दिसून आले आहे. त्यामुळे प्रवाशांच्या जीवाशी थेट खेळ सुरू असल्याचा संताप व्यक्त केला जात आहे.

“दोडे गुजर समाजाने पुढे यावे” ;  मंगल बी. पाटील यांचे आवाहन

तसेच काही वाहनांमध्ये स्पीड गव्हर्नर, GPS ट्रॅकिंग, पॅनिक बटण, तसेच चालकांचे वैध परवाने, वैद्यकीय प्रमाणपत्र आणि पोलीस पडताळणी याबाबतही गंभीर प्रश्न उपस्थित करण्यात आले आहेत.

हे सर्व नियम व मार्गदर्शक सूचना
Ministry of Road Transport and Highways

आणि

Transport Department, Government of Maharashtra

यांच्या अंतर्गत लागू होतात.

या संपूर्ण प्रकरणाची सखोल चौकशी करून दोषींवर कडक कारवाई करावी, अशी मागणी संबंधित परिवहन विभागाकडे करण्यात येणार आहे. या प्रकरणी माहिती अधिकाराअंतर्गत अधिकृत कागदपत्रे मागवण्याचीही तयारी सुरू असल्याचे समजते.

दरम्यान, या प्रकरणाबाबत प्रतिक्रिया जाणून घेण्यासाठी प्रतिनिधींनी श्रीमंती ट्रॅव्हल्सच्या मालकाशी दूरध्वनीद्वारे संपर्क साधण्याचा प्रयत्न केला; मात्र त्यांचा कॉल रिसिव्ह झाला नाही.

👉 कायदेशीर Sleeper Booking आड बेकायदेशीर कॅबिन प्रवासी वाहतूक आणि अव्वाचे सव्वा भाडे आकारणी सुरू आहे का?

👉 प्रवाशांच्या जीवाशी खेळ करणाऱ्यांवर कारवाई होणार का?

आता सर्वांचे लक्ष अधिकृत तपासणीकडे लागले असून, तपासणीनंतरच वस्तुस्थिती स्पष्ट होणार आहे.