प्रसिद्ध अभिनेता पुनीत इतकी संपत्ती ठेवून गेला मागे !

दै. बातमीदार । १७ मार्च २०२३ । अवघ्या वयाच्या ४६ व्या वर्षी जगाचा निरोप घेणारा दाक्षिणात्य चित्रपटसृष्टीतील प्रसिद्ध अभिनेता पुनीत राजकुमारचं २९ ऑक्टोबर २०२२ मध्ये बंगळुरू येथे निधन झालं होतं. त्यांचं हृदयविकाराच्या झटक्याने निधन झालं होतं. आजही त्यांचे चाहते त्यांच्या आठवणीत अनेक व्हिडीओ आणि फोटो शेअर करत असतात. आज अभिनेत्याचा वाढदिवस आहे.

या खास दिवसाला चाहते अभिनेत्याची आठवण काढून भावुक होत आहेत. तर अभिनेत्याबाबत अनेक गोष्टी माहिती करुन घेण्याचा प्रयत्न करत आहेत. साऊथ अभिनेता पुनीत राजकुमार साऊथ इंडस्ट्रीमध्ये अतिशय लोकप्रिय होता. त्याच्या निधनाने चाहत्यांना अश्रू आवरणं कठीण झालं होतं.

तर त्याला शेवटचा निरोप द्यायला हजारोंच्या संख्येने लोक सहभागी झाले होते. पुनीतने बालकलाकार म्हणून आपल्या सिने करिअरची सुरुवात केली होती. बालकलाकार म्हणून अभिनेत्याने तब्बल 12चित्रपटांमध्ये काम केलं आहे. अभिनेत्याचं मानधन- मीडिया रिपोर्ट्सनुसार पुनीत राजकुमार बालकलाकार म्हणून जितका लोकप्रिय झाला होता. पटींनी जास्त अभिनेता म्हणून प्रसिद्ध झाला होता.रिपोर्ट्सनुसार, सुरुवातीला पुनीत राजकुमार एका सिनेमासाठी 20 ते 25लाख इतकी फी घेत असे. अभिनेत्याचं वार्षिक उत्पन्न जवळजवळ 50 कोटी इतकं होतं. पुनीतचे तीन लग्जरी बंगले आहेत. एक बंगला हैद्राबादमध्ये आहे.

अभिनेत्याकडे अनेक आलिशान कार आणि महागड्या बाईक्सचं कलेक्शनदेखील होतं. पुनीत राजकुमार एकूण संपत्ती- मीडिया रिपोर्ट्सनुसार, पुनीत राजकुमाराची एकूण संपत्ती 250कोटींची आहे. अभिनेता महिन्याला 3 कोटींची कमाई करत होता. त्याने आपल्या करिअरमध्ये तब्बल 30 चित्रपटांमध्ये काम केलं आहे. अभिनेत्याच्या मागे पत्नी आणि दोन मुली या संपत्तीचे मालक आहेत. पुनीत राजकुमारला लग्जरी कार आणि महागड्या बाईक्सचं प्रचंड वेड होतं. अभिनेत्याच्या कार कलेक्शनमध्ये ऑडी, ज्याग्युअर, टोयोटा अशा अनेक कार आहेत. तर अभिनेत्याकडे सुपर बाईक्ससुद्धा होत्या यातील एकेका बाईक्सची किंमत 70 लाख ते 2 कोटींच्या आसपास आहे.