महागाई : सीएनजीच्या दरात पुन्हा वाढ

दैनिक बातमीदार I १८ डिसेंबर २०२२ I दिल्ली शहरात सीएनजीच्या दरात 95 पैशांची वाढ झाली आहे. राजधानीत शनिवारी (ता. ६) सकाळी 6 वाजेपासून हे नवे दर लागू झाले असून दिल्लीत सीएनजीचा दर 79.56 रुपये प्रति किलो झाला आहे.

राजधानी दिल्लीत सीएनजीचा दर 75.61 रुपयांवरून 78.61 रुपयांवर पोहोचला आहे. तर नोएडा, ग्रेटर नोएडा आणि गाझियाबादमध्ये हे दर 78.17 रुपयांवरून 81.17 रुपये करण्यात आले आहेत. यापूर्वी एप्रिलमध्ये दिल्लीत 12 तासांत दोनदा सीएनजी महाग झाला होता. शहरात 4 एप्रिल रोजी सकाळी सीएनजीच्या दरात किलोमागे 2.5 रुपयांची वाढ नोंदवण्यात आली. यापूर्वी 3 एप्रिलच्या रात्री सीएनजीच्या दरात 80 पैशांनी वाढ करण्यात आली होती. दिल्लीत सीएनजीच्या दरात वाढ झाली असली तरी दिल्लीत सध्या नोएडा, गाझियाबाद आणि गुरुग्रामहून कमी दर आहेत. त्याचबरोबर मेरठ, रेवाडी, कानपूर आदी ठिकाणी देखील सीएनजीचे दर दिल्लीपेक्षा जास्त आहेत. दुसरीकडे पेट्रोल आणि डिझेलचे दरही जनतेला हैराण करत आहेत.

आंतरराष्ट्रीय बाजारात कच्च्या तेलाच्या किंमतीत घसरण सुरूच आहे. इंडियन ऑइल मार्केटिंग कंपन्यांनी शुक्रवारी जारी केलेल्या दरांनुसार दिल्लीत पेट्रोलचा दर 96.76 रुपये आणि डिझेलचा दर 89.66 रुपये होता. गेल्या अनेक दिवसांपासून देशात पेट्रोल आणि डिझेलच्या दरात कोणताही बदल झालेला नाही.