कलाविश्वात शोककळा : नितेश पांडे यांचे निधन !

दै. बातमीदार । २५ मे २०२३ ।  छोटय़ा पडद्यावरील ‘अनुपमा’ या मालिकेच्या माध्यमातून ते घराघरात पोहोचले लोकप्रिय अभिनेते नितेश पांडे यांनी वयाच्या ५१ व्या वर्षी मंगळवारी रात्री उशिरा हृदयविकाराने निधन झाले. त्यांच्या निधनामुळे कलाविश्वात शोककळा पसरली.

नितेश पांडे हे लेखनाकरीता एकांत मिळावा म्हणून कायम इगतपुरीतील हॉटेल डय़ू ड्रॉपमध्ये यायचे. मंगळवारी सकाळी या हॉटेलात ते मुक्कामी होते. हृदयविकाराच्या धक्क्याने तिथेच त्यांचा मृत्यू झाल्याचे वैद्यकीय अधिकाऱ्यांनी सांगितले. इगतपुरी पोलीस ठाण्यात अकस्मात मृत्यूची नोंद घेण्यात आली आहे.

नितेश पांडे यांनी ‘तेजस’, ‘साया’, ‘मंजिले अपनी अपनी’, ‘जुस्तुजू’, ‘हम लडकिया’, ‘सुनैना’, ‘कुछ तो लोग कहेंगे’, ‘एक रिश्ता साझेदारी का’, ‘महाराजा की जय हो’, ‘हीरो-गायब मोड ऑन’, ‘प्यार का दर्द है मीठा मीठा प्यारा प्यार’ आणि ‘अनुपमा’ या मालिकांमध्ये भूमिका साकारल्या. ‘ओम शांती ओम’, ‘बधाई हो’, ‘मदारी’,”दबंग 2′ सारख्या चित्रपटांतदेखील ते झळकले होते. 1998 साली अभिनेत्री अश्विनी काळसेकरसोबत ते लग्नबंधनात अडकले. पण 2002 साली त्यांनी विभक्त होण्याचा निर्णय घेतला. त्यानंतर त्यांनी अभिनेत्री अर्पिता पांडेसोबत लग्नगाठ बांधली.