रजनीताई देशमुख फार्मर्स प्रोड्युसर कंपनीत नाफेड चना (हरभरा) खरेदी केंद्र सुरू

भडगाव/प्रतिनिधी
भडगाव येथे महाएफपीसी अंतर्गत रजनीताई देशमुख फार्मर्स प्रोड्युसर कंपनी येथे चना खरेदीचा शुभारंभ कंपनीचे चेअरमन सौरभ देशमुख यांच्या हस्ते करण्यात आला. जयंतीलाल परदेशी या शेतकऱ्याचा प्रथम माल मोजून खरेदीची सुरवात करण्यात आली .

यावेळी जेष्ठ संचालक नानासाहेब देशमुख, अनिल पाटील, कांतीलाल परदेशी आदी शेतकरी उपस्थित होते. तसेच चना खरेदी नोंदणी केलेल्या शेतकऱ्यांची खरेदी सुरू असून चण्यासाठी हमीभाव 5335/- रुपये निश्चित करण्यात आलेला आहे.शेतकऱ्यांनी जास्तीत जास्त नोंदणी करून शासकीय योजनेचा लाभ घ्यावा असे आवाहन चेअरमन सौरभ विजयकुमार देशमुख यांच्याकळून करण्यात आले आहे.