या दिवशी पुण्यात ठाकरेंची तोफ धडाडणार !

दै. बातमीदार । १२ मार्च २०२३ । राज्यात शिंदे (शिवसेना) गट व ठाकरे गटाचे मोठे घमासान सुरु असतांना उद्धव ठाकरे यांनी नुकतीच कोकणात भव्य सभा झाल्यानंतर ठाकरे गट राज्यभर सभा घेणार का ? अशी चर्चा सुरु असतानाचा राज्यातील पुणे येथे हि सभेचे आयोजन सुरु असल्याची माहिती आहे.

कसबा विधानसभा मतदारसंघाच्या पोटनिवडणुकीत विजयानंतर आता 14 मे रोजी महाविकास आघाडीची पुण्यात विराट सभा होणार आहे. यामध्ये महाविकास आघाडीतील उद्धव ठाकरे गट, राष्ट्रवादी काँग्रेस व काँग्रेस या पक्षाचे वरिष्ठ नेते सहभागी होणार आहे. हवेली कृषी उत्पन्न बाजार समितीच्या निवडणुकीच्या पार्शवभूमीवर आयोजित मेळाव्यात विधानसभेचे विरोधीपक्षनेते अजित पवार यांनी ही माहिती दिली. १४ मे रोजी छत्रपती संभाजी महाराजांची जयंती आहे आणि याच निमित्ताने पुण्यात महाविकास आघाडीची विराट सभा आयोजित करण्यात आल्याचं ते म्हणाले.