आईला सरप्राईज देण्यासाठी जात होता पंत ; स्वताः चालवत होता गाडी !

दै. बातमीदार । ३० डिसेंबर २०२२ । भारताचा स्टार क्रिकेटपटू ऋषभ पंतच्या अपघाताबाबत आता दिलासादायक बातमी समोर आली आहे. आता तो धोक्याबाहेर आहे. पंतला अचानक डुलकी लागली, त्यामुळे त्याचा अपघात झाला. कारमध्ये त्याच्यासोबत अन्य कोणीही नव्हते. ड्रायव्हरही नव्हता, ऋषभ पंत स्वतः कार चालवत होता. पोलिसांच्या म्हणण्यानुसार, त्याची प्रकृती ठीक आहे, तो बोलण्याच्या स्थितीत आहे आणि धोक्याच्या बाहेर आहे.

त्यांनी फक्त अपघाताची संपूर्ण माहिती दिली. पंतवर डेहराडूनच्या मॅक्स हॉस्पिटलमध्ये उपचार सुरू आहेत. ऋषभ पंतला त्याच्या आईला सरप्राईज करायचे होते. त्यामुळे रात्री उशिरा तो दिल्लीहून रुरकीच्या दिशेने त्यांच्या कारमधून एकटाच निघाला होता.

हरिद्वार राज्याचे पोलिस अधीक्षक स्वपन किशोर यांनी सांगितले की, ऋषभ पंत यांची कार हरिद्वार जिल्ह्यातील मंगलोर आणि नरसन दरम्यान एनएच-58 वर दुभाजकावर आदळली. धडकेनंतर त्यांच्या कारला आग लागली. स्थानिक लोकांनी पंतला रुरकी सिव्हिल हॉस्पिटलमध्ये दाखल केले, जिथे प्राथमिक उपचारानंतर त्याला डेहराडूनच्या मॅक्स हॉस्पिटलमध्ये हलवण्यात आले. पंतचा पाय फ्रॅक्चर झाला आहे. तसेच त्यांच्या डोक्याला व पाठीवर जखमा झाल्या आहेत. ऋषभ पंतच्या मर्सिडीज कारचा क्रमांक DL 10 CN 1717 आहे, ज्यामध्ये तो अपघाताच्या वेळी प्रवास करत होता. प्रत्यक्षदर्शींनी दिलेल्या माहितीनुसार, ऋषभची कार रेलिंगला धडकली, त्यानंतर कारने पेट घेतला. मोठ्या कष्टाने आग आटोक्यात आणण्यात आली. मुख्यमंत्री पुष्कर सिंह धामी यांनी अधिकाऱ्यांकडून माहिती घेत वाहन अपघातात जखमी झालेल्या क्रिकेटपटूवर योग्य उपचार करण्याची व्यवस्था करण्याच्या सूचना दिल्या आहेत. ऋषभ पंतला लवकरात लवकर बरे होण्यासाठी शुभेच्छा देताना मुख्यमंत्र्यांनी त्याच्या उपचाराचा सर्व खर्च राज्य सरकार उचलणार असल्याचे सांगितले.