केद्रात शिंदे गटातील कुणाला मिळणार स्थान ; राजकीय चर्चेला उधान !

दै. बातमीदार । १२ जानेवारी २०२३ । राज्यातील महाविकास आघाडी सरकार सत्तेतून पाय उतार झाल्यावर शिंदे व फडणवीस यांचे राज्यात सरकार स्थापन झाले त्यानंतर केद्रात हि शिंदे गटातील दोन मंत्रिपदे दिली जाणार असल्याची राज्यभर चर्चा होती पण आजपर्यत शिंदे गटाला कुठलेही मंत्री पद मिळालेले नाही यावरच आता दिल्लीतील राजकीय हवेला वेग आला आहे.

गेल्या काही दिवसांपासून पंतरप्रधान नरेंद्र मोदी यांच्या मंत्रीमंडळात फेरबदल होतील अशी चर्चा आहे. त्यामध्ये शिंदे गटाला दोन मंत्रीपदे दिली जाण्याची शक्यता आहे. त्यामुळे पंतप्रधान नरेंद्र मोदी यांच्या मंत्रिमंडळात कुणाला स्थान मिळणार आणि कुणाला डच्चू मिळणार अशीही चर्चा जोर धरू लागली आहे. त्याच पार्श्वभूमीवर नवी दिल्लीतील हालचालींना वेग आल्याचे पाहायला मिळत आहे. सूत्रांनी दिलेल्या माहितीनुसार 31 जानेवारीच्या पूर्वीच केंद्रीय मंत्रीमंडळात फेरबदल होणार आहे. त्या अगोदर नवी दिल्लीतच भाजपा कार्यकारिणीची बैठक 16 आणि 17 जानेवारीला बैठक होणार आहे. अर्थसंकल्पीय अधिवेशनापूर्वी मंत्रिमंडळात फेरबदल होणार हे जवळपास निश्चित झाले आहे. यामध्ये शिंदे गटाला दोन मंत्रीपदे मिळण्याची शक्यता वर्तविली जात आहे. त्यामुळे नव्या मंत्रिमंडळात पंतप्रधान नरेंद्र मोदी आणि अमित शाह कुणाच्या गळ्यात माळ टाकणार आणि कुणाला डच्चू देणार याकडे संपूर्ण देशाचे लक्ष लागून आहे.

यापूर्वी पंतप्रधान नरेंद्र मोदी यांच्या मंत्रिमंडळ विस्तार जुलै 2021 ला झाला होता. त्यामध्ये 20 नव्या चेहऱ्यांना संधी देण्यात आली होती. अनेक मोठ्या मंत्र्यांना मोदी आणि शाह यांनी डच्चू दिला होता. मंत्रिमंडळाचा कारभार पाहून नरेंद्र मोदी यांनी अनेकांना मोठी जबाबदारीही दिली होती, त्यामध्ये महाराष्ट्रातील अनेक नव्या चेहऱ्यांना संधी दिली होती.

भागवत कराड, कपिल पाटील, नारायण राणे, डॉ. भारती पवार या चार जणांना मंत्रीपदे देण्यात आली होती, त्यावेळी 43 जणांना शपथ देण्यात आली होती, त्यामध्ये 11 महिलांचा समावेश होता. नरेंद्र मोदी हे त्यांच्या मंत्रिमंडळात महाराष्ट्रातील ज्यांची नावे देण्यात आली होती त्यामध्ये देवेंद्र फडणवीस यांचीच शिफारस असल्याचं बोललं जात होतं. दरम्यान आता नव्या मंत्रीमंडळात कुणाला संधी मिळणार आणि कुणाला डच्चू मिळणार अशी चर्चा असतांना शिंदे गटाला दोन मंत्रीपदे मिळण्याची शक्यता वर्तवली जात आहे. त्यातच काही दिवसांपूर्वी संजय राऊत यांनी नारायण राणे यांचे मंत्रीपद जाणार असल्याचे बोलले होते, त्यामुळे राणे यांच्या मंत्रिपदाबाबत काही निर्णय होतो का ? हे पाहणं महत्वाचे ठरणार आहे.