लग्न मंडपात नवरदेवाला आली लहर अन केला कहर !

दै. बातमीदार । ११ मार्च २०२३ । प्रत्येक व्यक्ती लग्नासाठी नेहमी उत्सुक असतो, कारण हि वेळ आयुष्यात एकदाच येत असते व ती वेळ आनंदी असावी यासाठी अनेक नवरदेव प्रयत्न करीत असतात पण एक नवरदेवाला स्वतच्या लग्नात लहर आल्याने भर मंडपात कहर माजविला होता. हि घटना आसाम येथील आहे.

आसामच्या नलबारी जिल्ह्यात एका मुलीने नवरदेव दारूच्या नशेत आल्याने लग्नाला नकार दिला, या घटनेचे व्हिडिओ समोर आले. व्हिडीओमध्ये नवरदेव मद्यधुंद अवस्थेत लग्न मंडपात झोपलेले दिसत आहेत. लग्नाच्या विधी सुरू असताना नवरदेव झोपलेला दिसत होता.

प्रसेनजीत हलोई असे वराचे नाव असून तो मूळचा नलबारी शहरातील आहे. वधूच्या नातेवाईकांनी सांगितलं की, लग्न सोहळा व्यवस्थित पार पडत होता. आमच्या कुटुंबाने लग्न सोहळा पूर्ण करण्याचा प्रयत्न केला. मात्र नवरदेवाने हद्द पार केल्यानंतर नवरीने लग्नास नकार दिला. वराकडे जवळपास ९५ टक्के लोक दारुच्या नशेत होते. त्यामुळे आम्ही याबाबत पोलिसांना माहिती दिल्याचे नवरीच्या नातेवाईकांनी सांगितलं.