देशात सोन्यासह चांदीचे दर उतरले !

बातमीदार | २६ ऑगस्ट २०२३ | अमेरिकन केंद्रीय बँकेने व्याजदरात वाढीचा निर्णय घेतल्याने अमेरिकन बाजारात पुन्हा दणआपट सुरु झाली असून आता अपेक्षेप्रमाणे फेडरल रिझर्व्हचे अध्यक्ष जेरोम पॉवेल यांनी दरवाढीचा दरवाजा पुन्हा उघडला. महागाईवर नियंत्रणासाठीची ही कसरत आहे. त्याचा परिणाम सोन्या-चांदीच्या किंमतीवर दिसून आला. जवळपास सर्वच क्षेत्रावर त्याचा परिणाम दिसून येईल. व्याजदर वाढले तर डॉलर आणि बँकेच्या ठेवीत वाढ होण्याची शक्यता आहे.

या आठवड्यात सोने-चांदीने दरवाढीची मोहिम राबवली. ऑगस्ट महिन्यात दोन्ही धातूंमध्ये घसरण दिसून आली होती. या आठवड्यात ही कसर भरुन काढण्याचा प्रयत्न दोन्ही धातूंनी केला. आता जागतिक दबावात गुंतवणूकदार काय भूमिका घेतली, यावर सोने-चांदी दबाव झुगारुन आघाडी घेईल की घसरण होईल, हे लवकरच समोर येईल. मे आणि जून महिन्यानंतर ऑगस्टमध्ये पण सोने-चांदीचे आक्रमण थोपविण्यात आले होते. दोन्ही धातूंना मोठी उसळी घेता आली नव्हती. पण महिन्याच्या अखेरीस या आठवड्यात सोन्याने दबाव झुगारला. किंमतीत मोठी वाढ झाली. ही वाढ सतत सुरु होती. त्यानंतर शेवटच्या दिवशी किंमती किंचित घसरल्या.

चांदी किंचित घसरली
या महिन्याच्या सुरुवातीला चांदी घसरली. 16 ऑगस्ट रोजी भाव 200 रुपयांनी वाढले होते. 18 ऑगस्ट रोजी चांदीने 1000 रुपयांची चढाई केली. 19 ऑगस्ट रोजी चांदीत 200 रुपयांची घट झाली. 21 ऑगस्ट रोजी किंमतीत पुन्हा 200 रुपयांची वाढ झाली. 22 ऑगस्ट रोजी 1300 रुपयांची वाढ झाली. आता 23 ऑगस्ट रोजी किंमती पुन्हा 500 रुपयांनी वधारल्या. आता 24 ऑगस्ट रोजी चांदीने 1600 रुपयांची मोठी झेप घेतली. तर 26 ऑगस्ट रोजी किंमती 500 रुपयांनी कमी झाल्या. गुडरिटर्न्सनुसार, एक किलो चांदीचा भाव 76,400 रुपये आहे.
24 कॅरेट सोने 58,720 रुपये, 23 कॅरेट 58,485 रुपये, 22 कॅरेट सोने 53,788 रुपये, 18 कॅरेट 44040 रुपये, 14 कॅरेट सोने 34,351 रुपये प्रति 10 ग्रॅमवर पोहचले. चांदीचा भाव 73,695रुपये होता. इंडियन बुलियन्स अँड ज्वेलर्स असोसिएशनने हा भाव जाहीर केला आहे. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.