या जोडीने सैर करण्यासाठी केला होता रेल्वेचा अक्खा डबा बुक !

दै. बातमीदार । १० मार्च २०२३ । गेल्या वर्षापासून धर्मवीर चित्रपटापासून चर्चेत आलेला प्रसाद ओक आजही मराठी चित्रपटसृष्टीतील गुणी अभिनेता म्हणजे प्रसाद ओक अभिनय, दिग्दर्शन, लेखन, निर्माता अशा सगळ्या पातळ्यांवर तो सध्या जोरात काम करतोय. येणाऱ्या वर्षात देखील तो आपल्या प्रेक्षकांसाठी दर्जेदार कलाकृती घेऊन येणार आहे. पण त्याआधी सध्या तो वेगळ्याच कारणामुळे चर्चेत आला आहे.

प्रसादने पत्नीसाठी नाही तर एका खास व्यक्तीसाठी मोठी हौस केली आहे. त्याच्या पत्नीनेच याविषयी माहिती दिली असून यादोघांनी केलेली ही कामगिरी सध्या चर्चेचा विषय ठरते आहे. प्रसाद सोशल मीडियावर कायम सक्रिय असतो. तो बायकोसोबतं भन्नाट रील्स शेअर करताना दिसतो.

त्याच्या रील्स चाहत्यांमध्ये चांगल्याच लोकप्रिय असतात. शिवाय यामध्ये त्याची बायको मंजिरी देखील त्याला साथ देताना दिसते. आता मात्र या दोघांनी मिळून वेगळीच भन्नाट गोष्ट केली आहे. त्यांनी सोशल मीडियावर एक व्हिडीओ पोस्ट करत याविषयी माहिती दिली आहे.

या दोघांनी यांची पेट म्हणजेच मस्काराला चक्क कोकणची सैर घडवून आणली आहे. पण तीही साधीसुधी नाही तर तिच्यासाठी या जोडप्यानं चक्क अक्खा रेल्वेचा डबाच बुक केला होता. याविषयी सांगताना प्रसादाची बायको मंजिरीने लिहिलंय कि, मस्कारा ला घेउन कुठे तरी ट्रिप करायची होती . पण कुठे ? हया विचारात एक महिना खर्च केला . सगळे ऑप्शन्स ट्राय केले पण आपल्या देशात पेट बरोबर चे प्रवास (स्पेशली एयर ट्रैवेल ) का सोइचे नाहीत ? असो… हा वेगळा विषय आहे….म्हणून मग आम्ही जिकड़े सगळ्यांचे प्लान cancel होतात तिकड़े म्हणजे goaaaaa ठरवलं .”