तुम्ही घाला टोपी आम्हाला… अजित पवारांनी लगावला टोला !

दै. बातमीदार । १९ जानेवारी २०२३ । राज्याचे विरोधी पक्षनेते आणि राष्ट्रवादी काँग्रेसचे नेते अजित पवार आपल्या रोखठोक भाषणांसाठी सर्वांना परिचीत आहेत. पवार अनेकदा आपल्या खुमासदार शैलीने टोला देखील लगावतात. आज अशीच काही घटना बारामती येथील कृषी प्रदर्शनाच्या वेळी घडली. यावेळी कार्यकर्ता दादांना टोपा घालण्यासाठी आला होता. त्यावेळी अजित पवारांनी केलेल्या विधानामुळे एकच हशा पिकला.

कृषी प्रदर्शनाला आज अजित पवार यांनी भेट दिली. यावेळी एक कार्यकर्ता अजितदादांना टोपी घालण्यासाठी आला होता. त्यावेळी अजित पवार म्हणाले, टोपी घाला आम्हाला. आतापर्यंत कोणी नाही घातली, तुम्ही घाला, असं अजितदादा म्हणताच, तिथं एकच हशा पिकला होता. बारामती येथे कृषीप्रदर्शन सुरू आहे. या प्रदर्शनाला अनेक लोक भेटी देत आहेत. आज कृषीमंत्री अब्दुल सत्तार देखील प्रदर्शनाला भेट देणार आहेत.