अवैध वाळूच्या ट्रॅक्टरचे टायर फुटले ; ट्रॅक्टर पलटी झाल्याने चालकाचा दबून मृत्यू
भडगाव तालुक्यातील वाक गावाजवळील घटना
भडगाव प्रतिनिधी भडगाव तालुक्यातील वाक गावाजवळील गिरणा नदी पात्रातून अवैध वाळूचे भरलेले ट्रॅक्टर चालवत असताना मोठे टायर फुटले यावेळी चालकाने खाली उडी मारली परंतु ट्रॅक्टरच्या खाली ३५ वर्षीय चालकच दाबला गेल्याची घटना दिनांक १७रोजी मध्यरात्री घडली याबाबत भडगाव पोलीस स्टेशनला आकस्मात मृत्यूची नोंद करण्यात आली आहे.
याबाबत अधिक माहिती अशी की,भडगाव तालुक्यासह शहरातील गिरणा नदीपात्रातून बेसुमार अवैध वाळूचे थैमान सुरूच आहे.
काल रात्री गिरणा नदी पात्रातून अवैध वाळू वाहतूक करत असताना वाक गावाजवळील वडाच्या झाडाजवळ ट्रॅक्टर चालवत असताना ट्रॅक्टरचे मोठे टायर फुटले व यावरील चालक रामदास सुभाष सोनवणे (वय ३५) रा.पेठ भडगाव याने ट्रॅक्टर वरून खाली उडी मारली परंतु ट्रॅक्टर त्याच्या अंगावर पलटी झाले यावेळी रामदास सोनवणे याला भडगाव ग्रामीण रुग्णालयाला दाखल केले असता वैद्यकीय अधीक्षक डॉ. विजय मुंडे यांनी मृत घोषित केले म्हणून भडगाव पोलीस स्टेशनला आकस्मात मृत्यूची नोंद करण्यात आली आहे याबाबत पुढील तपास सहाय्यक फौजदार संजय पाटील हे करीत आहे.
दै. बातमीदार चे अपडेट्स मिळवण्यासाठी आम्हाला फॉलो करा
फेसबुक । ट्विटर ।युट्युब | इंस्टाग्राम | गुगल न्यूज | टेलिग्राम
