बातमीदार | १७ ऑगस्ट २०२३ | राज्यातील अजित पवारांच्या राष्ट्रवादीला शरद पवार यांनी आपले फोटो वापरू नका, अशी तंबी दिल्यावर देखील अजित पवार गटाचे कार्यकर्ते व नेते त्यांचा फोटो वापरत असतांना दिसत आहे. यावर आता शरद पवार यांनी अजित पवार गटाविरोधात न्यायालयात जाण्याचा इशाराही दिला आहे. तरीही अजित पवार गटाचे नेते शरद पवार आमचे देव आहेत. त्यामुळे त्यांचा फोटो वापरणारच, असे सांगत आहेत. यावरून आज ठाकरे गटाचे नेते संजय राऊत यांनी अजित पवार गटावर सडकून टीका केली.
संजय राऊत म्हणाले की, शिंदे गटालाही कशाला हवेत बाळासाहेब ठाकरे यांचे फोटो? तुमच्यात तेवढी धमक नाही का ? तर शरद पवारांना देव म्हणतात आणि त्यांच्याच पाठीत खंजीर खुपसता. तुम्हाला कशा हवेत शरद पवारांचे फोटो? स्वत:चे किंवा स्वत:च्या वडिलांचे फोटो का वापरत नाही? शरद पवारांपासून लोकं फुटून गेली, तरीही म्हणतात की ते आमचे नेते आहेत. हे ढोंग आहे. तुम्ही तुमचा पक्ष स्थापन करा, तुम्ही तुमचे फोटो लावून मते मागा. शरद पवारांपासून फुटून गेलेली लोकं म्हणतात की शरद पवार हे आमचे देव आहे. मग देवाच्या पाठीत खंजीर का खुपसला ? बाळासाहेब ठाकरे हे आमचे दैवत आहे म्हणता मग बाळासाहेबांची शिवसेना का फोडली ?
दै. बातमीदार चे अपडेट्स मिळवण्यासाठी आम्हाला फॉलो करा
फेसबुक । ट्विटर ।युट्युब | इंस्टाग्राम | गुगल न्यूज | टेलिग्राम
