वैद्यकीय सेवेत नोकरीची मोठी संधी !

बातमीदार | १३ नोव्हेबर २०२३

देशभरातील अनेक तरुण तरुणी उच्च शिक्षण घेवून सरकारी नोकरी करण्यासाठी धडपडत असतात. अशाच तरुणांना नोकरीची मोठी संधी उपलब्ध झाली आहे. ऑल इंडिया इन्स्टिट्यूट ऑफ मेडिकल सायन्सेस, AIIMS ने वैद्यकीय अधिकारी पदाची भरती जाहीर केली आहे. यासाठी पात्र उमेदवारांकडून अर्ज मागविण्यात आले आहेत. विशेष म्हणजे ही नोकरी मिळविण्यासाठी तुम्हाला कोणतीही परीक्षा द्यावी लागणार नाही, तर पात्र उमेदवारांची निवड थेट मुलाखतीने केली जाणार आहे.

AIIMS भोपाळमध्ये वैद्यकीय अधिकाऱ्यांच्या पदांवर कंत्राटी पद्धतीने भरती केली जात आहे. हा करार आणखी 6 महिने किंवा एक वर्षासाठी वाढवला जाऊ शकतो. या भरतीअंतर्गत एकूण 4 जागा उपलब्ध आहेत. त्यापैकी 1 पद अनारक्षित आहे. प्रत्येकी एक पद SC, ST, OBC आणि EWS साठी राखीव आहे.

जारी केलेल्या अधिसूचनेनुसार, अर्ज करणाऱ्या उमेदवाराकडे MBBS पदवी असणे आवश्यक आहे. तसेच उमेदवाराचे वय कमाल 40 वर्षे असावे. आरक्षणाच्या नियमानुसार वयात सवलत दिली जाईल.

या पदांसाठी थेट मुलाखतीद्वारे निवड केली जाणार आहे. इच्छुक उमेदवारांनी सर्व आवश्यक कागदपत्रांसह खाली दिलेल्या पत्त्यावर पोहोचणे आवश्यक आहे. या पदासाठी 16 नोव्हेंबर रोजी मुलाखत होणार आहे. उमेदवारांनी पुढे दिलेल्या पत्यावर मुलाखतीसाठी आवश्यक कागदपत्रासह हजर रहायचे आहे.

मुलाखतीचा पत्ता – सरदार वल्लभ भाई पटेल भवन, एम्स, साकेत नगर, भोपाल-462020

या पदांसाठी अर्ज करण्यासाठी 1000 रुपये शुल्क आकारण्यात आले आहे. तसेच SC, ST, PWD आणि महिला उमेदवारांना अर्ज शुल्कातून सूट देण्यात आली आहे. निवड झाल्यानंतर या पदांसाठी मासिक वेतन 89,000 रुपये निश्चित करण्यात आले आहे.