दै. बातमीदार । २३ डिसेंबर २०२२ । देशाला हादरवून टाकणारी घटना दिल्लीत घडली आहे या प्रकरणी नेहमी नवनवीन खुलासे समोर येत असतांना दिसून येत आहे. आता याप्रकरणी आरोपी आफताब पुनावाला सध्या कोठडीत आहे. अशातच आता श्रद्धाच्या वडिलांनी एक धक्कादायक खुलासा केला आहे.
श्रद्धा वालकरचे वडील विकास वालकर यांनी एका मुलाखतीत या प्रकरणाबद्दल भाष्य केलं आहे. त्यांनी आफताबच्या आत्तापर्यंतच्या जडणघडणीबद्दल प्रश्नचिन्ह व्यक्त केलं आहे. आफताबने व्यवस्थित नियोजन करून श्रद्धाला अडकवलं आणि तिची हत्या केली, असं विकास वालकर यांचं म्हणणं आहे. आफताबने पूर्ण नियोजन करून आपल्या मुलीचं ब्रेनवॉश केलं, तसंच आपल्या मालमत्तेवर आफताबची नजर असल्याचंही विकास वालकर यांनी म्हटलं आहे. आफताबला भेटल्यानंतर आपल्या मुलीच्या वागण्या-बोलण्यात खूप बदल झाल्याचंही त्यांनी सांगितलं. ती आफताबशी बोलण्यात इतकी गुरफटून जायची, की घरच्यांना उलट उत्तरं द्यायची. तेव्हाच मला कळलं होतं की आफताब माझ्या मुलीला कुटुंबाविरोधात भडकवत आहे, असंही वालकर यांनी सांगितलं.
दै. बातमीदार चे अपडेट्स मिळवण्यासाठी आम्हाला फॉलो करा
फेसबुक । ट्विटर ।युट्युब | इंस्टाग्राम | गुगल न्यूज | टेलिग्राम
