उमेश पाल हत्याकांडातील शूटर असदच पोलिसांकडून एन्काऊंटर !

दै. बातमीदार । १३ एप्रिल २०२३ ।  देशातील उत्तर प्रदेश सरकारने कुख्यात माफिया अतिक अहमद याचा मुलगा आणि उमेश पाल हत्याकांडातील शूटर असद याचं पोलिसांनी एन्काउंटर केलं आहे. झाशीमध्ये यूपी एसटीएफचे डेप्युटी एसपी नवेंदू आणि डेप्युटी एसपी विमल यांच्या नेतृत्वाखाली पाच लाख रुपयांचे बक्षीस अशलेला असद आणि मोहम्मद गुलाम यांना ठार करण्यात आले. दोघांकडूनही पोलिसांनी शस्त्रास्त्रे जप्त केली आहेत.

प्रयागराज २४ फेब्रुवारी रोजी येथे राजू पाल हत्याकांडातील प्रमुख साक्षीदार उमेश पाल याची दिवसाढवळ्या हत्या करण्यात आली होती. उमेश पाल हा घरी जात असताना कारजवळ दबा धरून बसलेल्या शूटर्सनी गोळीबार केला. यादरम्यान बॉम्बही फेकण्यात आले. या हल्ल्यात उमेश पाल आणि त्याच्या सुरक्षेत तैनात असलेल्या दोन गनर्सचा मृत्यू झाला होता.

एकीकडे उमेश पाल हत्याकांडाप्रकरणी अतिक अहमद आणि अश्रफ यांना कोर्टात हजर केलं जाणार आहे. दुसरीकडे उत्तर प्रदेश पोलिसांना या प्रकरणात मोठं यश मिळालं आहे. यूपी एसटीएफने झाशी येथे झालेल्या एन्काऊंटरमध्ये अतिक अहमदचा मुलगा असद याला ठार मारले आहे. त्याच्यासोबत उमेश पाल याची दिवसाढवळ्या हत्या करणारा मोहम्मद गुलाम हा सुद्धा मारला गेला आहे.