पावसाचा जोर वाढला : जिल्ह्यातील रेल्वेगाड्यांना विलंब !

दै. बातमीदार । २५ जुलै २०२३ ।  देशासह राज्यातील अनेक गेल्या दहा दिवसापासून पावसाची संततधार व मुसळधार पाऊस सुरू आहे. याचा फटका लांब पल्ल्याच्या रेल्वेगाड्यांना बसला आहे. विशेष करून उत्तर प्रदेश, बिहार, दिल्लीकडून येणाऱ्या गाड्या निर्धारित वेळेपेक्षा उशिराने धावत आहेत.

निजामुद्दीन-हुबळी एक्स्प्रेस ही आपल्या निर्धारित वेळेपेक्षा १० तास, लोकमान्य टिळक टर्मिनस-पाटलीपुत्र सुपरफास्ट ही निर्धारित वेळेपेक्षा साडेचार तास, न्यू दिल्ली- बंगलोर कर्नाटक एक्स्प्रेस नियोजित वेळेपेक्षा सव्वा तीन तास, निजामुद्दीन- वास्को गोवा एक्स्प्रेस साडे चार तास, बनारस-हुबळी एक्स्प्रेस निर्धारित वेळेपेक्षा तीन तास, वाराणसी- एलटीटी कामायनी दोन तास, याशिवाय एलटीटी- गोरखपूर दीड तास उशिराने धावत आहेत. याशिवाय बहुतांश गाड्या आपल्या निर्धारित वेळेपेक्षा तास-दीड तासाने उशिराने धावत आहेत. मुसळधार संततधार पावसाचा फटका रेल्वे दळणवळणला बसला आहे. यामुळे विभागातून धावणाऱ्या गाड्या निर्धारित वेळेपेक्षा उशिराने धावत आहे. यामुळे प्रवाशांची मात्र गैरसोय होत आहे.