पुरुषांनी हिवाळ्यात मनुका सेवन केल्यास होणार इतके फायदे !

दै. बातमीदार । १३ डिसेंबर २०२२ ।  हिवाळा सुरु झाला कि प्रत्येक व्यक्ती हा घरीच काही न काही उपाय करून आपले आरोग्य उत्तम राहण्याची संधी शोधत असतो. डोंगरावर बर्फवृष्टी आणि मैदानी भागात थंडीची लाट सुरू झाली आहे. या ऋतूमध्ये लोक उष्ण गुणधर्म असलेल्या गोष्टींना महत्त्व देतात. मनुका हे देखील उष्ण प्रभाव असलेले ड्रायफ्रूट आहे. हे तुमचे आरोग्य चांगले ठेवण्यासोबतच थंडीपासूनही तुमचे संरक्षण करते. यामध्ये मिळणारे पोषक तत्व तुम्हाला वर्षभर तंदुरुस्त ठेवतील. अशा परिस्थितीत, मनुका खाण्याची योग्य पद्धत आणि प्रमाण जाणून घेणे महत्वाचे आहे.
मनुका सामान्यतः हिवाळ्यातच खाण्याची शिफारस केली जाते. मात्र, उन्हाळ्यातही कमी प्रमाणात खाऊ शकतो. प्रथिने, फायबर, लोह, पोटॅशियम, तांबे, मॅंगनीज यांसारखे पोषक घटक मनुकामध्ये आढळतात. जे थंडीमध्ये रोगप्रतिकारक शक्ती मजबूत करते आणि आजारांपासून बचाव करते.

आयुर्वेदाचार्य पं. अभिषेक उपाध्याय सांगतात, ‘मनुका हे ड्रायफ्रूटपेक्षा जास्त औषधासारखे आहे. यामुळे निरोगी लोकांची प्रतिकारशक्ती मजबूत होते आणि आजारी लोकांना रोगाशी लढण्यासाठी शक्ती मिळते. सर्व वयोगटातील लोक याचे सेवन करू शकतात. वय आणि पचनशक्ती यानुसार 8-10 दाण्यांपासून मूठभर मनुका खाल्ल्याने फायदा होतो. अभिषेक उपाध्याय पुढे सांगतात, ‘कोणत्याही वेळी मनुका खाणे चांगले असते, पण जर तुम्ही सकाळी रिकाम्या पोटी भिजवलेल्या मनुका खाल्ल्या तर त्याचा फायदा अनेक पटींनी वाढतो.’

शरीरात रक्ताची कमतरता असलेल्या व्यक्तीसाठी मनुका खूप फायदेशीर आहे. मूठभर मनुके रात्रभर पाण्यात भिजवून, सकाळी रिकाम्या पोटी पहिले पाणी प्यावे आणि नंतर मनुका खाल्ल्याने शरीरात पुरेसे रक्त तयार होऊ लागते. विवाहित पुरुषांसाठी मनुका वरदानापेक्षा कमी नाहीत. मनुका खाल्ल्याने शुक्राणूंची संख्या वाढते. यासाठी आयुर्वेदात मनुका मधासोबत खाण्याचा सल्ला दिला जातो. मनुक्याला टेस्टोस्टेरॉन वाढवणारे फूड म्हटले जाते.

रिकाम्या पोटी मनुके खाल्ल्याने बद्धकोष्ठता, गॅस आणि अपचन बरे होते.

मनुका हिमोग्लोबिन वाढवण्यास मदत करतात.

भिजवलेल्या मनुकाचे पाणी यकृत निरोगी ठेवते.

हे शरीरातील हानिकारक पदार्थ काढून टाकते.

कॅल्शियमने युक्त मनुका हाडे मजबूत करतात.

उच्च रक्तदाबावरही हे खूप फायदेशीर आहे.