खा.सुळे यांची पंतप्रधान मोदींवर टीकास्त्र !

बातमीदार | १५ ऑगस्ट २०२३ | पंतप्रधान नरेंद्र मोदी आपले 1 बोट दुसऱ्याकडे दाखवतात, पण त्यांची 3 बोटे त्यांच्यावर रोखलेली असतात, अशी टीका राष्ट्रवादी काँग्रेसच्या खासदार सुप्रिया सुळे यांनी पंतप्रधान नरेंद्र मोदी यांच्या घराणेशाहीवर केलेल्या टीकेला जोरदार प्रत्युत्तर दिले आहे. या विधानाद्वारे त्यांनी भाजपसह सर्वच पक्षात घराणेशाही अस्तित्वात असल्याचे अधोरेखित केले आहे.

पंतप्रधान नरेंद्र मोदी यांच्या हस्ते मंगळवारी लाल किल्ल्यावर ध्वजारोहण झाले. यावेळी देशाला संबोधित करताना मोदींनी राजकारणातील घराणेशाहीवर प्रहार केला. देशाला विकसित राष्ट्र करायचे असेल, तर भ्रष्टाचार, घराणेशाही व तुष्टीकरणाच्या राजकारणाला हद्दपार करावे लागेल, असे ते म्हणाले.

खासदार सुप्रिया सुळे यांनी या प्रकरणी त्यांच्या या विधानाचा खरपूस शब्दांत समाचार घेतला आहे. त्या म्हणाल्या की, ‘भ्रष्टाचार व घराणेशाही सर्वच पक्षांत आहे. अमित शहा यांनी लोकसभेत म्हणाले होते की, जेव्हा तुम्ही एखाद्याला बोट दाखवता, तेव्हा स्वतःचीच 3 बोटे आपल्याकडे वळलेली असतात.’ सुप्रिया सुळे पीटीआय वृत्तसंस्थेशी बोलत होत्या. त्यांनी या विधानाद्वारे केंद्रातील सत्ताधारी भाजपतही घराणेशाही असल्याचे अधोरेखित केले.