केद्र सरकारने घेतला निर्णय : देशाच्या नौदलाची अशी वाढणार ताकद !

बातमीदार | १७ ऑगस्ट २०२३ | केंद्र सरकारने मोठे पाऊल उचलत भारतीय नौदलाची ताकद वाढवण्यासाठी निर्णय घेतला असून यावेळी केंद्र सरकारने 20,000 कोटी रुपयांच्या संरक्षण प्रकल्पाला मान्यता दिली आहे.

याबाबत अधिक माहिती अशी कि, ‘मेक इन इंडिया’ मिशनच्या अनुषंगाने, केंद्र सरकारने भारतीय नौदलासाठी पाच फ्लीट सपोर्ट जहाजे बांधण्यास मान्यता दिली आहे. या जहाजांमुळे समुद्रात तैनात असलेल्या नौदलाच्या ताफ्याला इंधन, शस्त्रे आणि खाद्यपदार्थ भरण्यासाठी मदत मिळणार आहे.

एएनआय वृत्तसंस्थेनुसार, या महत्त्वपूर्ण प्रकल्पाची अंदाजे किंमत सुमारे 20,000 कोटी रुपये आहे. ज्यामध्ये पाच प्रगत जहाजे बांधली जाणार आहेत. विशाखापट्टणम येथील संरक्षण मंत्रालयाच्या हिंदुस्तान शिपयार्ड लिमिटेड (HSL) द्वारे ही पाच जहाजे बांधली जाणार आहेत. हिंदुस्तान शिपयार्ड लिमिटेडने येत्या 8 वर्षांत ही जहाजे तयार करून नौदलाला देण्याचे लक्ष्य ठेवले आहे. या प्रत्येक जहाजाचे वजन सुमारे 45,000 टन असेल. ANI ने सांगितले की, “सुमारे 20,000 कोटी रुपयांच्या या प्रकल्पाला केंद्र सरकारने बुधवारी (16 ऑगस्ट) उच्चस्तरीय बैठकीत अंतिम मंजुरी दिली. HSL द्वारे पाच फ्लीट सपोर्ट वेसल्सची बांधणी केली जाईल. भारतीय नौदलाच्या आत्मनिर्भरता किंवा आत्मनिर्भरता उद्दिष्टांना चालना देतील.